گوادر (رپورٹر) — نیو گوادر انٹرنیشنل ایئرپورٹ پر پاکستان ایئرپورٹس اتھارٹی کے زیر اہتمام پہلی بار رات کے وقت فائر ایمرجنسی مشق کا انعقاد کیا گیا، جس میں فرضی ہوائی حادثے کے دوران طیارے کی آگ کی نقل تیار کی گئی اور بروقت ریسکیو آپریشن کیا گیا۔
ضلع وسطی میں غیر قانونی تعمیرات اور تجاوزات کے خلاف بلاتفریق کارروائی کا فیصلہ: ڈپٹی کمشنر طحہٰ سلیم
پاکستان ایئرپورٹس اتھارٹی کے مطابق مشق میں ریسکیو ٹیموں نے پیشہ ورانہ مہارت کا مظاہرہ کرتے ہوئے طیارے کی فرضی آگ بجھائی اور فوری ردعمل کا مظاہرہ کرتے ہوئے موقع پر بروقت پہنچیں۔ مشق کے دوران مربوط کوآرڈینیشن نے بروقت اور مؤثر ریسکیو ممکن بنایا۔
ایمرجنسی مشق میں زخمیوں کو ابتدائی طبی امداد فراہم کرنے کے لیے ٹریاژ زون قائم کیا گیا، جہاں متاثرین کی درجہ بندی اور فوری علاج کا بندوبست کیا گیا۔ مشق میں ایئرپورٹ سیکیورٹی فورس (ASF)، دیگر ایجنسیوں اور ریسکیو ٹیموں کے درمیان بہترین ہم آہنگی کا عملی مظاہرہ سامنے آیا۔
چیف فائر اینڈ ریسکیو آفیسر کی زیر نگرانی ہونے والی اس مشق میں فیلڈ کمانڈ اور ایئرپورٹ ایمرجنسی پلان کا بھی تفصیلی جائزہ لیا گیا، جبکہ سینئر حکام نے ایمرجنسی ردعمل کے ہر پہلو کا معائنہ کیا۔
مشق میں فائر فائٹرز، طبی عملے اور سیکیورٹی اہلکاروں نے بھرپور حصہ لیا اور رات کے وقت لائٹنگ، ویزیبیلیٹی اور کمیونیکیشن کے نظام کی جانچ کی گئی تاکہ کسی حقیقی ایمرجنسی کی صورت میں مؤثر ردعمل یقینی بنایا جا سکے۔