تشکُّر نیوز رپورٹنگ،
یڈکوارٹرز پاکستان رینجرز(سندھ)
مورخہ 5 جنوری 2024
پریس بریف
اسلام و علیکم!
1۔ میں آ پ سب کو ہیڈ کوارٹر ز پا کستان رینجرز (سندھ) میں خو ش آ مد ید کہتا ہوں۔ آ ج کی اس پر یس بر یف کا مقصدآپ کو کراچی شہر میں پانی کی چوری کے خلاف آپریشنز سے متعلق آگاہ کرنا ہے۔
2۔ آپریشن کا باقاعدہ آغاز 17 ستمبر 2023 کو کیا گیا۔ایک محتاط اندازے کے مطابق واٹر مافیا کی جانب سے150 غیر قانونی ہائیڈرنٹس اور 1200 غیر قانونی کنکشن پانی چوری کے لیے لگائے گئے تھے جس میں سے تقریباً100 MGDپانی غیر قانونی طور پر کمرشل اور گھریلو ضرورت کے لیے چوری ہو رہا تھا۔ چوری شدہ پانی صنعتی اور گھریلو صارفین کو نہ صرف سرکاری ریٹ سے دو سے تین گنا مہنگا بیچا جا رہا تھا بلکہ پانی چوری سے کراچی واٹر اینڈ سیوریج بورڈ کارپوریشن کو ماہانہ اربوں روپے کا نقصان ہو رہا تھا۔
3۔ پاکستان رینجرز (سندھ) نے کراچی واٹر اینڈ سیوریج بورڈکارپوریشن کے ساتھ مل کرواٹر مافیا کے خلاف بلا تفریق آپریشن کی پلاننگ کی اورآپریشنز کے دوران جہاں غیر قانونی ہائیڈرنٹس کو ختم کیا جارہا ہے وہیں کچھ کنکشنز کو ضرورت کے مطابق قانونی کارروائی کے مطابق ریگولرائیز بھی کیا جائے گا۔
4۔ پہلا مرحلہ۔ غیرقانونی ہائیڈرئنس کے خلاف۔پاکستان رینجرز (سندھ) نے کراچی واٹر اینڈ سیوریج بورڈ کارپوریشن کے ساتھ مل کر ابتک 100آپریشنز میں 210 غیر قانونی ہائیڈرنٹس کے خلاف کاروائی کے دوران تمام غیر قانونی ہائیڈرنٹس کوسیل اور مسمار کیا گیاجوکہ تخمینے سے کہیں زیادہ ہیں۔ ان آپریشن کے دوران 177 افراد کو گرفتار کر کے ان کے خلاف 152 ایف آئی آرز بھی درج کی گئیں۔
5۔ دوسرا مرحلہ۔ غیر قانونی کنکشن۔ دوسرے مرحلے میں غیر قانونی کنکشن کے خلاف آپریشن کیا گیا جوکہ تقریباً مکمل کر لیا گیا ہے۔ اس دوران 875کے قریب غیر قانونی واٹرکنکشن(618ہائیڈرئنس کے ساتھ منسلک، 73زیر زمین کنویں کے ساتھ منسلک اور 184دیگر غیر قانونی واٹر کنکشن) جوکہ میٹھے پانی کی چوری میں ملوث ہیں،کے خلاف کاروائی کی گئی ہے۔ ان غیر قانونی کنکشن کی بڑی تعداد کمرشل استعمال کے لیے میٹھا پانی چوری کر کے فراہم کر رہی تھی۔
الف۔ غیرقانونی کنکشن (184)
(1) اس مرحلے میں غیر قانونی منسلک شدہ کنکشنز کے خلاف مزید کاروائی کرتے ہوئے 63آپریشنز کئے گئے۔
(2) ان آپریشن کی مد میں 184 غیر قانونی کنکشنز کراچی واٹر اینڈ سیوریج کارپوریشن کی مندرجہ ذیل سپلائی لائنوں کے ساتھ منسلک پائے گئے اور انہیں ختم کرکے کراچی واٹر اینڈسیوریج کارپویشن کی پانی کی سپلائی لائن میں پانی کی فراہمی کو بہتر بنایاگیا۔
(الف) حالے جی کنڈیوٹ لانڈھی اور مہران ہائی وے (08)
(ب) پپری لائن کورنگی۔ (45)
(ج) ساوتھ بینک لیاری (12)
(د) سائٹ سپر ہائی وے (62)
(ز) حب لائن منگھو پیر (15)
(ر) ناظم آباد سائٹ فیڈرل ٹرنک مین لائن (42)
ب۔ غیر قانونی کنکشن۔ زیر زمین کنویں (73)
(1) کراچی میں پانی کی کمی کی وجہ سے فیکٹریز اور انڈسٹریز کو سب سوائل واٹر بطور متبادل پانی کے طور پر استعمال کے لیے محدود لائسنس دیئے گئے تھے۔ واٹر مافیا کی جانب سے سب سوائل کنکشن کی آڑ میں میٹھا پانی چوری کیاجا رہا تھا اور سب سوائل پانی میں ملاوٹ کے بعد صارفین کو سب سوائل کے نام پرفروخت کیا جا رہاتھا۔
(2) زیر زمین واٹر بورڈ کی مین لائنوں کو پنکچر کر کے روزانہ کی بنیاد پر لاکھوں گیلن پانی ہیوی پمپ اور موٹروں کی مدد سے زیر زمین ٹینک میں منتقل کر کے مہنگے داموں کمرشل مقاصد کے لیے فروخت کیا جا رہا تھا۔ جس کی وجہ سے کراچی میں شہریوں کو پانی کی قلت کاسامنا رہا۔ روزانہ کی بنیاد پر کروڑوں گیلن پانی چوری کیا جا رہا تھا۔
(3) اس کاروائی میں 84 آپریشن کئے گئے جس کے نتیجے میں 73غیر قانونی کنکشنز(لیاری ندی، سائٹ سپر ھائی وے، نیو کراچی،لیاقت آباد لیاری ایکسپریس وے اور جمشید ٹاون ایریاز) جو کہ سب سوائل بور کے ساتھ منسلک تھے اور 98غیرقانونی زیر زمین کنویں ختم کیے گئے۔
(4) اس دوران پانی کی چوری میں ملوث 17کمپنیوں کے لائسنس منسوخ ک ردیئے گئے ہیں۔
ج۔ اس کے علاوہ حب کنال سے پانی چوری کر کے کچھ غیر قانونی ہائیڈرنٹس چلائے جا رہے تھے جہاں سے پانی کوواٹر ٹینکروں کے ذریعےمختلف علاقوں میں پہنچایا جا رہا تھا۔ان ہائیڈرنٹس کو مسمار کر نے کے ساتھ ساتھ غیر قانونی پانی مہیا کرنے والے ٹینکروں کو بھی قانونی تحویل میں لے لیا گیا۔
د۔ غیر قانونی ہائیڈرنٹس کے ساتھ منسلکہ غیر قانونی کنکشن۔ مختلف آپریشن کے دوران 618غیر قانونی کنکشنز جوکہ ہائیڈر ہائیڈرنٹس کے ساتھ منسلک تھے، ان کوبھی مسمار کیا گیا۔
ر۔ واٹر بورڈنے محکمانہ کاروائی کرتے ہوئے ایک ایکسئن کو معطل کرکے اس کے خلاف انکوائری شروع کر دی ہے اور پانی چوری روکنے میں ناکامی پر اینٹی تھیفٹ سیل کو بھی اس پوزیشن سے ہٹا دیاہے۔
ڑ۔ جلد ہی واٹر بورڈ پانی کی چوری سے آنکھیں بند رکھنے پر متعلقہ سٹاف کے خلاف کاروائی کرنے جا رہاہے۔
6۔ آپریشن کے اثرات
الف۔ آپریشنز کے نتیجے میں تقریباً25 MGD کے قریب چوری ہونے والا پانی کراچی واٹر اینڈ سیوریج بورڈ کارپوریشن کے سپلائی کےنظام میں واپس شامل ہو چکا ہے۔جس میں سے زیادہ تر) 12 MGD) بنارس,منگھوپیر,قصبہ، بلدیہ ٹاون، سرجانی (5 MGD)لانڈھی، کورنگی، بن قاسم، ملیر((4 MGD لیاری، لیاقت آباد، کلفٹن، صدر(2 MGD)، سائٹ سپر ہائی وے انڈسٹریل ایریا سے ریکور کیا گیا۔
ب۔ ان آپریشن کی بدولت کراچی واٹر اینڈ سیوریج بورڈ کو اس قابل بنایا گیا کہ وہ کراچی کا پانی کراچی کی عوام تک پہنچائے۔
ج۔ اس کے علاوہ کراچی کے متاثر زدہ علاقوں میں نہ صرف پانی کا بہاؤ / پریشر دُگنا ہو گیا ہے بلکہ پانی کی سپلائی کاتعطل بھی کم ہوا ہے۔
د۔ ان آپریشنز کے باعث نہ صرف عوام مستفید ہو رہے ہیں بلکہ واٹر کارپوریشن کے ریو نیو میں بھی 400ملین روپے ماہانہ اضافہ(30فیصد) ریکارڈکیا گیا۔
7۔ پانی کی فراہمی کو بہتر کرنے کے لیے اقدامات۔
الف۔ اس وقت تقریباً1300 واٹر ٹینکرمیں ٹریکر لگایا گیا اور 2400ٹینکروں میں QR Code انسٹال کیا گیا جو کہ لوگوں کو سرکاری ریٹ پر پانی فراہم کررہے ہیں۔
ب۔ عوام کو سہولت فراہم کرنے کے لیے اور تمام پرائیوٹ ٹینکرز کے مسائل کے مدنظر رکھتے ہوئے کراچی واٹر اینڈ سیوریج بورڈکارپوریشن نے 14نئے فلنگ پوائنٹ قائم کیے ہیں۔ مزید بر آں 3ہزارگیلن کے پرانے اوسطاً ریٹ10ہزار روپے سے کم کر کے 8ہزار، 5ہزارگیلن کے 12ہزارسے کم کر کے 9500اور 6 ہزارگیلن کے 15ہزارسے 2ہزار اوسطاًطے کیے گئے ہیں۔
(الف) 3ہزارگیلن ۔ زیادہ سے زیادہ 8000روپے
(ب) 5ہزار گیلن ۔ زیادہ سے زیادہ 9500 روپے
(ج) 6 ہزارگیلن ۔ زیادہ سے زیادہ 12000 روپے
ج۔ پمپنگ اسٹیشن سیکٹر 19-Dبلدیہ کو عوام کو پانی کی فراہمی کے لیے دوبارہ بحال کرنے کا منصوبہ کیا گیاہے۔
د۔ شہری پانی کے حصول کے لیے درپیش آنے والی مشکلات کیلئے کراچی واٹر اینڈ سیوریج بورڈکارپوریشن کی آئن لائن اپلیکشن میں اندراج کرکے آگاہی کرسکتے ہیں اور سرکاری ریٹ پر پانی حاصل کرسکتے ہیں۔
ز۔ واٹر اینڈ سیوریج بورڈکارپوریشن اور سندھ رینجرز کے ساتھ مل کرپانی چوری کے مکمل خاتمے تک آپریشن جاری رہے گا۔عوام سے اپیل ہے کہ کسی بھی قسم کی پانی چوری کی اطلاع رینجرز ہیلپ لائن 1101 یا 0347-9001111پر دیں۔
(کراچی کا پانی کراچی کی عوام تک پہنچایا جائے گا)
ترجمان سندھ رینجرز