تشکر نیوز: کراچی ریلوے ڈویژن نے ستمبر کے مہینے میں فریٹ اور مسافر ٹرانسپورٹیشن سے ریکارڈ 2 ارب 37 کروڑ 80 لاکھ روپے سے زائد آمدنی حاصل کی۔ میڈیا رپورٹس کے مطابق، کراچی ڈویژن نے 15,264 ریلوے ویگنز کے ذریعے 4 لاکھ 55 ہزار 588 ٹن کارگو اندرون ملک منتقل کیا، جس سے فریٹ آپریشن کی آمدنی میں 42 فیصد اضافہ دیکھنے میں آیا۔
کراچی میں دفعہ 144 نافذ: 5 دن کے لیے اجتماعات اور ریلیوں پر پابندی
چیئرمین ریلوے مظہر علی شاہ نے بتایا کہ پہلی سہ ماہی کے دوران کراچی ڈویژن کی مجموعی آمدنی 6 ارب 67 کروڑ 70 لاکھ روپے تک پہنچ گئی، جبکہ اس دوران 12 لاکھ 74 ہزار 471 مسافروں نے کراچی ڈویژن سے سفر کیا۔ میل ایکسپریس اور انٹرسٹی ٹرینوں کی وقت کی پابندی کا تناسب 89.79 فیصد رہا، جو ایک بڑی کامیابی ہے۔
کراچی ریلوے ڈویژن کی غیر معمولی کارکردگی کے باعث مجموعی آمدنی میں 16.24 فیصد کا اضافہ ہوا، اور رواں سال کی پہلی تین سہ ماہیوں میں ڈویژن نے مجموعی طور پر 10 ارب 54 کروڑ روپے سے زائد کی آمدنی حاصل کی، جو اس کی بہترین کارکردگی کو ظاہر کرتا ہے۔