معروف دفاعی تجزیہ کار اور اسکالر ڈاکٹر رابعہ اختر نے آئی ایس پی آر ونٹر انٹرن شپ پروگرام 2026 کے طلبہ سے خطاب کرتے ہوئے پاکستان کو خطے میں علاقائی سلامتی کے استحکام کا اصل ضامن (Net Regional Stabilizer) قرار دیا۔ انہوں نے کہا کہ معرکۂ حق کے بعد پاکستان ایک مضبوط اور ذمہ دار ریاست کے طور پر خطے میں سلامتی کے توازن اور استحکام کی علامت بن کر ابھرا ہے۔
حکومتِ سندھ کی سرینڈر پالیسی کے بڑے ثمرات — کشمور میں 38 خطرناک ڈاکوؤں کا سرینڈر، کچے کے علاقوں میں ریاستی رِٹ مزید مضبوط
ڈاکٹر رابعہ اختر نے طلبہ سے خطاب کرتے ہوئے کہا:
“آپ خوش نصیب ہیں کہ آپ نے ایک تاریخی اور غیر معمولی جنگ کا مشاہدہ کیا، جو نہ صرف پاکستان بلکہ پورے خطے کی تاریخ میں ایک اہم موڑ کی حیثیت رکھتی ہے۔”
انہوں نے کہا کہ قابلِ اعتبار دفاعی صلاحیت (Credible Deterrence) کسی بھی ریاست کے وجود، خودمختاری اور سلامتی کے لیے ناگزیر ہوتی ہے، جبکہ بحرانی نظم و ضبط (Crisis Discipline) ریاستی استحکام اور پالیسی سازی میں کلیدی کردار ادا کرتا ہے۔
ڈاکٹر رابعہ اختر کے مطابق علاقائی انسدادِ دہشت گردی تعاون خطے میں پائیدار امن کے قیام کے لیے انتہائی ضروری ہے، اور پاکستان اس ضمن میں ایک فعال، ذمہ دار اور قائدانہ کردار ادا کر رہا ہے۔
خطاب کے اختتام پر انہوں نے طلبہ کو مخاطب کرتے ہوئے کہا:
“آپ پاکستان کے علاقائی سلامتی کے استحکام کے ضامن ہونے کے سب سے بڑا جزو ہیں۔ ملک کے لیے اپنی بہترین صلاحیتیں بروئے کار لائیں، مثبت کردار ادا کریں اور پاکستان کے روشن مستقبل کی تعمیر میں اپنا مؤثر حصہ ڈالیں۔”