اسلام آباد (نمائندہ خصوصی) — وفاقی حکومت نے افغان شہریوں کی واپسی کے معاملے پر خیبرپختونخوا میں قائم پانچ افغان مہاجرین کیمپس بند کرنے کا فیصلہ کر لیا ہے۔ وزارتِ سیفران نے اس حوالے سے باضابطہ نوٹیفکیشن جاری کر دیا۔
پرائیویٹ حج اسکیم کی درخواستوں میں سست روی، کوٹہ ضائع ہونے کا خدشہ
فیصلے کے مطابق بند کیے گئے کیمپس میں تین ہری پور، ایک چترال اور ایک دیر اپر میں قائم تھے۔ احکامات کے تحت ان کیمپس کی زمین صوبائی حکومت اور متعلقہ ڈپٹی کمشنرز کے حوالے کر دی جائے گی۔
ذرائع کے مطابق ہری پور کے پنیان کیمپ میں گزشتہ چالیس برس سے ایک لاکھ سے زائد افغان مہاجرین آباد تھے۔
یو این ایچ سی آر کے مطابق افغان مہاجرین کی سب سے بڑی تعداد اس وقت خیبرپختونخوا میں موجود ہے۔ دوسری جانب وزیراعلیٰ خیبرپختونخوا علی امین گنڈاپور پہلے ہی افغان مہاجرین کی زبردستی وطن واپسی کے خلاف بیان دے چکے ہیں۔