ارضِ وطن فاؤنڈیشن کا کامران زہری پر مقدمے کے اندراج کی شدید مذمت، ایف آئی آر واپس لینے کا مطالبہ

کراچی: صدر ارضِ وطن فاؤنڈیشن علی منصور نے چینل فائیو کے بیورو چیف کامران زہری پر درج ایف آئی آر کو آزادی صحافت پر کاری ضرب قرار دیتے ہوئے کہا ہے کہ بازوؤں کی طاقت سے زبان اور قلم کو کبھی دبایا نہیں جا سکتا۔

لیوولٹیک کی آئی ٹی آئی ایف ایشیا 2025 میں اسمارٹ انرجی سلوشنز کی شاندار نمائش

ان کا کہنا تھا کہ جھوٹے مقدمے کے ذریعے سچ دکھانے کی سزا دینا دراصل صحافت پر کھلا وار ہے، جو کسی صورت قبول نہیں کیا جا سکتا۔ اس موقع پر ارضِ وطن فاؤنڈیشن کے رہنما سید محمد عروج نے بھی اس اقدام کو آزادی اظہار کے منافی قرار دیا۔

فاؤنڈیشن کی جانب سے جاری بیان میں کہا گیا کہ کامران زہری پر جھوٹا مقدمہ آزادیِ صحافت پر حملہ ہے جس کی سخت ترین الفاظ میں مذمت کی جاتی ہے۔

مطالبات

• ایف آئی آر فوری طور پر واپس لی جائے۔

• واقعے کی شفاف انکوائری کی جائے۔

• صحافیوں کو ہراساں کرنے کا سلسلہ بند کیا جائے۔

ارضِ وطن فاؤنڈیشن نے خبردار کیا کہ قلم اور سچائی کو ہتھکڑیوں سے باندھا نہیں جا سکتا، اس لیے صحافیوں کے خلاف ایسے ہتھکنڈے بند کیے جائیں۔