کراچی واٹر اینڈ سیوریج کارپوریشن کے ترجمان کے مطابق دھابیجی پمپنگ اسٹیشن پر کے الیکٹرک کی جانب سے گزشتہ شب منگل 17 جولائی کو رات 11:30 بجے بجلی کا بڑا بریک ڈاؤن ہوا، جس کے نتیجے میں 100 ایم جی پمپ ہاؤس مکمل طور پر بند ہو گیا۔
سیف سٹی، ہائی وے پیٹرول اور S4 منصوبے میں پیش رفت، کیمروں اور آلات کے تحفظ پر زور: آئی جی سندھ
واضح رہے کہ یہ پمپ ہاؤس کراچی شہر کو یومیہ 100 ملین گیلن پانی فراہم کرتا ہے، جس کی بندش سے شہر کے بیشتر علاقوں میں پانی کی ترسیل بری طرح متاثر ہو رہی ہے۔
ترجمان کا کہنا تھا کہ بریک ڈاؤن کو 19 گھنٹے سے زائد وقت گزر چکا ہے، تاہم تاحال کے الیکٹرک متعلقہ فالٹ کو درست کرنے میں ناکام ہے۔ تشویشناک امر یہ ہے کہ پمپنگ اسٹیشن پر موجود اسٹینڈ بائی کیبلز بھی ناکارہ ہو چکی ہیں، جس کے باعث متبادل انتظامات بھی ممکن نہیں رہے۔
واٹر کارپوریشن کے حکام کے الیکٹرک انتظامیہ سے مسلسل رابطے میں ہیں اور انہیں صورتحال کی سنگینی سے آگاہ کیا جا چکا ہے۔ ترجمان نے شہریوں سے اپیل کی ہے کہ پانی کے استعمال میں احتیاط برتیں اور غیر ضروری استعمال سے گریز کریں تاکہ بحران سے بہتر انداز میں نمٹا جا سکے۔