جنیوا: 78ویں ورلڈ ہیلتھ اسمبلی کا اجلاس جنیوا میں جاری ہے، جس میں دنیا بھر سے صحت کے شعبے کے رہنما اور ماہرین شریک ہیں۔ ترجمان وزارت صحت کے مطابق، اجلاس میں وبائی امراض سے تیاری، یونیورسل ہیلتھ کوریج، اور غیر متعدی بیماریوں جیسے اہم عالمی ایجنڈا پر اتفاق کیا جائے گا۔
پاکستان کی نمائندگی وفاقی وزیر صحت مصطفیٰ کمال کر رہے ہیں، جو اجلاس سے خطاب بھی کریں گے۔ اپنے خطاب میں وہ پاکستان میں صحت کے شعبے میں اب تک کی پیش رفت، درپیش چیلنجز اور پالیسی اقدامات سے عالمی برادری کو آگاہ کریں گے، جن میں پولیو کے خاتمے کی کوششیں بھی شامل ہوں گی۔
ترجمان کے مطابق، وزیر صحت عالمی شراکت داروں کی تکنیکی معاونت کے ساتھ پاکستان میں عوامی صحت کو بہتر بنانے کے آئندہ کے لائحہ عمل کو بھی اجلاس میں پیش کریں گے۔ پاکستان وبائی امراض سے نمٹنے کے لیے کیے گئے اقدامات اور غیر متعدی بیماریوں کے خلاف حکومتی پالیسیوں کو اجاگر کرے گا۔
