کراچی: ایڈیشنل آئی جی کراچی آزاد خان سے کراچی موبائل اینڈ الیکٹرانک ڈیلرز ایسوسی ایشن کے 30 رکنی وفد نے صدر منہاج گلفام کی قیادت میں کراچی پولیس آفس میں ملاقات کی۔
کراچی: اے وی ایل سی پولیس مقابلہ، کار لفٹر ملزم زخمی حالت میں گرفتار، اسلحہ اور چوری شدہ کار برآمد
ملاقات میں ایسوسی ایشن کے سینئر وائس پریزیڈنٹ عمر عارف، مظفر، خالد خان اور دیگر عہدیداران بھی موجود تھے۔ وفد نے ایڈیشنل آئی جی کو عہدہ سنبھالنے پر مبارکباد پیش کی۔
اس دوران شہر میں امن و امان کی مجموعی صورتحال، تاجروں کو درپیش مسائل اور موبائل مارکیٹوں میں سیکیورٹی انتظامات پر تفصیلی تبادلۂ خیال کیا گیا۔
ایڈیشنل آئی جی کراچی نے وفد کے مسائل کو ترجیحی بنیادوں پر حل کرنے کی یقین دہانی کرائی۔
ملاقات کے اختتام پر وفد کی جانب سے ایڈیشنل آئی جی کراچی کو پھولوں کا گلدستہ اور روایتی اجرک پیش کی گئی۔
