مانچسٹر سٹی چیمپیئنز لیگ کے گروپ مرحلے میں منگل کو ایٹیہاد اسٹیڈیم میں 0-2 کی چونکا دینے والی شکست سے دوچار ہوا، جہاں پیپ گوارڈیولا کی جانب سے بڑے پیمانے پر کی گئی کھلاڑیوں کی تبدیلیوں نے ٹیم کو مہنگا پڑا۔
ڈورٹمنڈ کی شاندار واپسی ولاریال کو 0-4 سے شکست گیراسی کے دو گول نمایاں
گوارڈیولا نے حیران کن فیصلہ کرتے ہوئے ایرلنگ ہالینڈ، روبین ڈائس، برناردو سلوا اور جیانلوجی دوناروما جیسے اہم کھلاڑیوں کو بیک وقت آرام دیا۔ کمزور اسکواڈ کے ساتھ میدان میں اترنے والے سٹی کو جرمن کلب بائر لیورکوزن نے بھرپور انداز میں نشانہ بنایا۔
پہلے ہاف میں الیگز گرمالدو نے شاندار گول کے ذریعے لیورکوزن کو برتری دلائی، جب کہ دوسرے ہاف میں پیٹرک شِک کے گول نے مقابلے کا فیصلہ کر دیا۔ میچ کے اختتام پر شائقین کی جانب سے ناپسندیدگی کے اظہار نے گوارڈیولا کے فیصلے پر سوال کھڑے کر دیے۔
یہ 2018 کے بعد پہلی بار تھا کہ مانچسٹر سٹی کو گروپ مرحلے میں اپنے ہوم گراؤنڈ پر شکست کا سامنا کرنا پڑا۔ یہ مسلسل دوسری ہار بھی تھی، کیوں کہ اس سے قبل سٹی کو پریمیئر لیگ میں نیوکاسل کے خلاف 2-1 سے شکست ہوئی تھی۔
گوارڈیولا نے ناکامی کی مکمل ذمہ داری قبول کرتے ہوئے کہا:
"یہ میری غلطی ہے۔ میں نے بہت زیادہ تبدیلیاں کیں۔ کھلاڑی اچھے تھے، مگر اس سطح کے لیے جو درکار تھا وہ ہم سے چھن گیا۔”
انہوں نے کھیلوں کے مصروف شیڈول کو تبدیلیوں کی وجہ قرار دیا، لیکن کہا کہ نتیجے نے ثابت کیا کہ شاید اتنی بڑی تبدیلی درست نہیں تھی۔
سٹی اس سیزن میں پریمیئر لیگ میں چار میچ ہار چکا ہے اور اس وقت لیگ لیڈر آرسنل سے سات پوائنٹ پیچھے ہے۔ چیمپیئنز لیگ میں یہ شکست گروپ مرحلے میں خطرناک ثابت نہیں ہوگی، مگر اس نے واضح کر دیا کہ سٹی کے ریزرو کھلاڑی مطلوبہ سطح پر نہیں ہیں۔
گوارڈیولا کے بطور سٹی مینیجر 100ویں چیمپیئنز لیگ میچ کا یہ انجام اُن شاندار 99 میچوں سے بالکل مختلف تھا، جن میں ایک یورپین ٹائٹل بھی شامل ہے۔
میچ کا احوال
پانچویں منٹ میں نتھن آکے سٹی کو برتری دلانے کے قریب تھے مگر گل کیپر مارک فلیکین نے شاندار بچاؤ کیا۔ اس کے بعد سٹی گیند اپنے پاس رکھنے کے باوجود مؤثر ثابت نہ ہو سکا۔
23ویں منٹ میں دفاعی غلطی کے بعد tillman اور kofane کی بناوٹ سے گرمالدو نے نیچے جاتی ہوئی طاقتور شاٹ سے اپنی ٹیم کو 0-1 کی برتری دی۔
سٹی کی جانب سے عمر مارموش ہالینڈ کی غیر موجودگی میں موثر کردار ادا نہ کر سکے، جب کہ وقفے سے پہلے ریجینڈرز نے زبردست موقع ضائع کر دیا۔
دوسرے ہاف میں گوارڈیولا نے ڈوکو، فوڈن اور او رائلی کو میدان میں اتارا، مگر 54ویں منٹ میں لیورکوزن نے ایک اور وار کیا۔
ابراہیم مازا کے کراس پر شِک نے آکے کو پیچھے چھوڑتے ہوئے خوبصورت ہیڈر سے اسکور 0-2 کر دیا۔
بعدازاں گوارڈیولا نے ہالینڈ کو میدان میں اتارا، مگر اسٹرائیکر مسلسل دوسرے میچ میں بھی خاطر خواہ کارکردگی نہ دکھا سکے اور ایک آسان موقع ضائع کر بیٹھے۔