دبئی (تشارک نیوز) چیمپئنز ٹرافی کے پانچویں میچ میں پاکستان کی ٹیم 49.4 اوورز میں 241 رنز پر آل آؤٹ ہوگئی
ڈی آئی جی ٹریفک کراچی کی ٹریفک پولیس اور میڈیا کے مابین رسمی ملاقات، مشترکہ کوششوں پر زور
پاکستان کی بیٹنگ کا خلاصہ
قومی ٹیم کے کپتان محمد رضوان نے ٹاس جیت کر پہلے بیٹنگ کا فیصلہ کیا اور ٹیم میں ایک تبدیلی کی گئی، انجرڈ فخر زمان کی جگہ امام الحق کو شامل کیا گیا۔
اوپنرز امام الحق اور بابراعظم نے 41 رنز کا آغاز فراہم کیا، تاہم بابر اعظم 23 رنز بناکر وکٹ گنوا بیٹھے، جبکہ امام الحق بھی صرف 10 رنز بناکر رن آؤٹ ہوگئے۔
محمد رضوان اور سعود شکیل نے تیسری وکٹ پر 103 رنز کی شراکت قائم کی، محمد رضوان 46 اور سعود شکیل 62 رنز بنا کر آؤٹ ہوئے۔ طیب طاہر 4، سلمان علی آغا 19، شاہین آفریدی صفر، نسیم شاہ 14 اور حارث رؤف 8 رنز بنا کر پویلین لوٹ گئے۔
بھارتی بولرز کی کارکردگی
بھارت کی جانب سے ہاردک پانڈیا اور کلدیپ یادو نے 2، 2 وکٹیں حاصل کیں، جبکہ رویندرا جڈیجا اور اکشر پٹیل نے ایک، ایک وکٹ لی۔
بھارتی کپتان روہت شرما کا مؤقف
بھارتی کپتان روہت شرما نے کہا کہ ٹیم میں کوئی تبدیلی نہیں کی گئی اور ان کی کوشش ہوگی کہ پاکستان کے خلاف جلد وکٹیں لے کر پریشر بڑھایا جائے۔
پاکستان کا اسکواڈ:
محمد رضوان (کپتان)، امام الحق، بابراعظم, سلمان علی آغا، طیب طاہر، خوشدل شاہ، شاہین آفریدی، نسیم شاہ، حارث رؤف، ابرار احمد۔
بھارت کا اسکواڈ:
روہت شرما (کپتان)، شبمن گل، ویرات کوہلی، شریاس آئیر، اکشر پٹیل، کے ایل راہول، ہاردک پانڈیا، رویندرا جڈیجا، ہرشیت رانا، محمد شامی، کلدیپ یادو۔