تشکر نیوز: انسپکٹر جنرل پولیس سندھ غلام نبی میمن کی زیر صدارت سینٹرل پولیس آفس کراچی میں ویمن اینڈ چائلڈ پروٹیکشن سینٹرز کی کارکردگی اور اصلاحات سے متعلق ایک اہم اجلاس منعقد ہوا۔ اجلاس میں خواتین اور بچوں کے خلاف سنگین نوعیت کے جرائم اور منظم جرائم کے مقدمات میں تفتیش کے عمل کو مزید مؤثر بنانے کے لیے خصوصی یونٹ کے قیام پر تجاویز طلب کی گئیں۔
قائدآباد پولیس کی کامیاب کارروائی، ہوائی فائرنگ میں ملوث ملزم گرفتار، غیر قانونی اسلحہ برآمد
اجلاس میں سی پی ایل سی کے چیف زبیر حبیب، ڈی آئی جی کرائم اینڈ انویسٹی گیشنز، سی آئی اے اور دیگر متعلقہ محکموں کے افسران شریک تھے۔ شرکاء نے ویمن اینڈ چائلڈ پروٹیکشن سینٹرز کی موجودہ کارکردگی پر تفصیلی غور و خوض کیا اور شعبہ تفتیش میں خواتین اور بچوں کے تحفظ کے حوالے سے مزید اقدامات اٹھانے پر تبادلہ خیال کیا۔
اے آئی جی جینڈر بیسڈ وائلنس اینڈ ہیومن رائٹس نے اجلاس کے شرکاء کو پروٹیکشن سینٹرز کی اب تک کی کارکردگی اور زیر التواء کیسز کے حوالے سے بریفنگ دی۔ اجلاس میں فیصلہ کیا گیا کہ خواتین اور بچوں کے تحفظ کے لیے شعبہ تفتیش میں ایک خصوصی یونٹ قائم کیا جائے گا، جس کی ورکنگ کے لیے تفصیلی ایس او پی تیار کی جائے گی۔
یہ کمیٹی، جس میں سی پی ایل سی چیف، ڈی آئی جی کرائم اینڈ انویسٹی گیشنز، اور دیگر اہم افسران شامل ہوں گے، پولیس کے ویمن پروٹیکشن سینٹرز کی ورکنگ کو مزید مؤثر بنانے کے لیے تجاویز مرتب کرے گی۔