اداکارہ خوشی مکھرجی کا بھارتی ٹی ٹوئنٹی کپتان سوریا کمار یادیو سے متعلق تہلکہ خیز دعویٰ

رئیلٹی شو ایم ٹی وی اسپلٹس ولا سے شہرت حاصل کرنے والی بالی وڈ اداکارہ خوشی مکھرجی نے بھارتی ٹی ٹوئنٹی کرکٹ ٹیم کے کپتان سوریا کمار یادیو کے بارے میں ایک حیران کن دعویٰ سامنے لایا ہے۔
ڈھاکا میں اسپیکر قومی اسمبلی سردار ایاز صادق اور بھارتی وزیر خارجہ جے شنکر کی غیر رسمی ملاقات

ایک حالیہ تقریب کے دوران میڈیا سے گفتگو کرتے ہوئے خوشی مکھرجی نے کہا کہ ماضی میں سوریا کمار یادیو انہیں اکثر پیغامات بھیجا کرتے تھے، تاہم اب دونوں کے درمیان بات چیت نہیں ہوتی۔ خوشی مکھرجی کے مطابق وہ کسی بھی کرکٹر کو ڈیٹ کرنے میں دلچسپی نہیں رکھتیں، تاہم ان کے پیچھے متعدد کرکٹرز رہے ہیں، جن میں سوریا کمار یادیو بھی شامل ہیں۔

اداکارہ کا کہنا تھا کہ سوریا کمار یادیو انہیں کافی عرصے تک میسجز کرتے رہے، لیکن اب رابطہ تقریباً ختم ہو چکا ہے۔ اس معاملے پر بھارتی کرکٹ کپتان سوریا کمار یادیو کی جانب سے تاحال کوئی ردعمل سامنے نہیں آیا۔

واضح رہے کہ سوریا کمار یادیو کی شادی 2016 میں دیویشا شیٹی سے ہوئی تھی اور دونوں ایک خوشگوار ازدواجی زندگی گزار رہے ہیں۔