کراچی (اسٹاف رپورٹر) کے الیکٹرک نے دھابیجی سب اسٹیشن اور گرڈ اسٹیشن پر سالانہ طے شدہ مینٹیننس کا کام مکمل کرلیا، جس کے بعد دھابیجی پمپنگ اسٹیشن کے تمام فیڈرز پر بجلی کی فراہمی مکمل طور پر بحال کردی گئی ہے۔
ترجمان واٹر کارپوریشن کے مطابق بجلی کی بحالی کے بعد شہر کو پانی کی فراہمی معمول کے مطابق جاری ہے اور تمام سپلائی لائنیں مستحکم طور پر کام کر رہی ہیں۔
واضح رہے کہ کے الیکٹرک نے اس مینٹیننس شٹ ڈاؤن کے لیے واٹر کارپوریشن کو باقاعدہ طور پر پیشگی درخواست ارسال کی تھی، جس کے بعد متبادل انتظامات کے ذریعے شہر میں پانی کی فراہمی متاثر ہونے سے بچائی گئی۔