سندھ کابینہ میں بڑی رد و بدل: ناصر حسین شاہ وزیر بلدیات، سعید غنی لیبر کے وزیر مقرر

کراچی (اسٹاف رپورٹر) — سندھ کابینہ میں اہم رد و بدل کرتے ہوئے متعدد وزرا کے قلمدان تبدیل کر دیے گئے اور نئے معاونین خصوصی کا تقرر کیا گیا ہے۔

سندھ پولیس میں بڑی اصلاحات: اسپیشل برانچ کو مکمل ڈیجیٹلائز کرنے کا فیصلہ

وزرا اور مشیران کے نئے قلمدان:

• ناصر حسین شاہ کو وزیر بلدیات سندھ مقرر کر دیا گیا، وہ اس سے قبل وزیر توانائی اور پی اینڈ ڈی کے قلمدان کے ذمہ دار تھے۔

• سعید غنی کو لیبر، ہیومن ریسورس اور سوشل پروٹیکشن ڈپارٹمنٹ کا وزیر بنایا گیا ہے، وہ اس سے قبل وزیر بلدیات سندھ تھے۔

• محمد اسماعیل راہو کو سندھ کابینہ میں بطور وزیر شامل کر لیا گیا۔

• گیان چند ایسرانی وزیراعلیٰ سندھ کے مشیر برائے محکمہ بحالی مقرر۔

خصوصی معاونین کے تقرر:
وزیراعلیٰ سندھ نے چار خصوصی معاونین کا تقرر کیا ہے:

• ڈاکٹر شام سندر کے ایڈوانی

• فراز عابد لاکھانی

• محمد طارق حسن

• عطا محمد پنہور

مزید:

• محمد علی راشد کو معاون خصوصی برائے سائنس و آئی ٹی مقرر کیا گیا۔

• عبدالجبار خان کو محکمہ خوراک سے ہٹا کر بحالی کا معاون خصوصی بنایا گیا۔

• جین خان سرفراز کو سوشل پروٹیکشن کی جگہ آرکائیوز کا معاون خصوصی مقرر کیا گیا۔

اضافی قلمدان:

• جام خان شورو کو ایریگیشن کے ساتھ پی اینڈ ڈی ڈپارٹمنٹ کا اضافی قلمدان سونپا گیا۔

• مخدوم محبوب الزماں کو صوبائی وزیر برائے فوڈ ڈپارٹمنٹ مقرر کیا گیا ہے، ان سے ری ہیبلیٹیشن کی وزارت واپس لے لی گئی۔

یہ رد و بدل سندھ کابینہ میں انتظامی امور کی بہتری اور محکموں کی کارکردگی بہتر بنانے کے لیے کیا گیا ہے۔