قومی اسمبلی میں اسپیکر ایاز صادق کی زیر صدارت آئندہ مالی سال 2025-26 کے بجٹ کی شق وار منظوری کا عمل جاری ہے۔ اجلاس میں وزیراعظم شہباز شریف اور بلاول بھٹو بھی شریک ہیں۔
قومی اسمبلی کاربن لیوی پر اپوزیشن کی تمام ترامیم مسترد وزیر خزانہ کی ترامیم منظور
اسپیکر ایاز صادق نے اجلاس کے دوران دلچسپ ریمارکس دیتے ہوئے کہا، ’’میں سمجھ رہا تھا آپ اپنی جیب سے ساری رقم خرچ کریں گے،‘‘ جس پر رکن اسمبلی اقبال آفریدی نے جواب دیا کہ فاٹا کو ٹیکس میں رعایت دی جائے اور اس پر مزید ٹیکسز نہ لگائے جائیں۔
قومی اسمبلی میں بجٹ پر بحث کے دوران اپوزیشن ارکان نے عوام کی مشکلات بڑھنے پر شدید تحفظات کا اظہار کیا۔ بیرسٹر گوہر اور عالیہ کامران کی پیش کردہ ترامیم کو مسترد کر دیا گیا، جبکہ وزیر خزانہ محمد اورنگزیب کی ترامیم منظور کر لی گئیں۔
پی ٹی آئی ارکان نے وزیر خزانہ کی جانب سے تحاریک پیش کرنے کے دوران ایوان میں شدید شور شرابہ کیا۔ وزیر خزانہ اورنگزیب نے ایوان میں بجٹ کی شق وار منظوری حاصل کر لی، جس کے بعد بجٹ منظوری کا عمل آخری مراحل میں داخل ہو چکا ہے۔
یاد رہے کہ اس سے قبل قومی اسمبلی اور سینیٹ میں بجٹ پر کئی روز تک تفصیلی بحث ہوئی اور بعد ازاں وفاقی کابینہ نے فنانس بل کی منظوری دی تھی۔