(تشکر نیوز) — پاکستان اور عالمی مالیاتی فنڈ (آئی ایم ایف) کے درمیان اقتصادی جائزہ مذاکرات کے بعد بہتر معاشی کارکردگی کے باوجود اسٹاف لیول معاہدہ نہیں ہوسکا۔
کراچی ایئرپورٹ خود کش دھماکا کیس: ملزمہ گل نسا کی درخواستِ ضمانت پر فیصلہ محفوظ
ذرائع کے مطابق، آئی ایم ایف نے عندیہ دیا ہے کہ ورچوئل مذاکرات کے ذریعے باقی امور کو جلد حتمی شکل دی جائے گی۔ تاہم پاکستان کو اسٹاف لیول معاہدے کے لیے مزید سخت اقدامات اٹھانا ہوں گے۔
آئی ایم ایف کی اہم شرائط:
میمورنڈم آف اکنامک اینڈ فنانشل پالیسیز (MEFP) کے تحت متعدد پالیسی اصلاحات کرنا ہوں گی۔
پیٹرولیم لیوی میں 10 روپے فی لیٹر اضافے پر اتفاق، جس کے بعد لیوی 60 روپے سے بڑھ کر 70 روپے فی لیٹر کی سطح پر پہنچ جائے گی۔
حکومت نے کاربن لیوی عائد کرنے کی شرط بھی قبول کر لی ہے۔
ٹیکس نظام اور توانائی شعبے میں مزید اصلاحات بھی ضروری قرار دی گئی ہیں۔
اگلی قسط کی راہ میں رکاوٹیں:
آئی ایم ایف کا کہنا ہے کہ شرائط کی تکمیل کے بعد ہی ایگزیکٹو بورڈ قرض پروگرام کی اگلی قسط کی منظوری دے گا۔ اگر تمام شرائط پوری ہو گئیں تو مئی 2025 میں ایک ارب ڈالر سے زائد کی قسط ملنے کا امکان ہے۔
پاکستان کے لیے چیلنجز:
حکومت کو ریونیو بڑھانے، اخراجات میں کمی اور توانائی اصلاحات جیسے بڑے فیصلے کرنا ہوں گے، تاکہ آئی ایم ایف کی شرائط پوری کی جا سکیں اور اقتصادی استحکام حاصل کیا جا سکے۔