وزیراعلیٰ سندھ سید مراد علی شاہ نے کہا ہے کہ صنعتوں کو سبسڈی دینے سے ملکی معیشت مستحکم ہوگی اور سندھ حکومت سندھ الیکٹرک پاور ریگولیٹری اتھارٹی (سیپرا) کو مکمل طور پر فعال کر رہی ہے، جس سے صنعتکاروں کو نمایاں فائدہ ہوگا۔
علی مہدی مائنس ڈی جی کی دوڑ سے باہر
انہوں نے بتایا کہ سندھ حکومت 350 میگاواٹ رینیوئیبل انرجی اور 75 میگاواٹ کے سولر پلانٹس لگا رہی ہے، جس کے ذریعے صنعتوں کو 18 سے 25 روپے فی یونٹ سستی بجلی فراہم کی جائے گی۔ اس وقت صنعتی بجلی کی قیمت 60 روپے فی یونٹ تک جا پہنچی ہے، جس سے صنعتکار شدید پریشان ہیں۔
صنعتکاروں کے تحفظات اور شکایات
صنعتی علاقوں میں گیس اور بجلی کی لوڈشیڈنگ کی جارہی ہے، جس سے پیداوار متاثر ہو رہی ہے۔
مافیا پی ایم ٹیز سے بجلی چوری کر رہی ہے، جسے کے الیکٹرک روکنے میں ناکام رہا ہے۔
کے الیکٹرک لائن لاسز کم کرنے کے لیے صنعتوں پر لوڈشیڈنگ کرتی ہے، جو کہ ناقابل قبول ہے۔
حکومتی اقدامات اور ہدایات
صنعتی اور رہائشی علاقوں کے لیے الگ الگ پی ایم ٹیز لگانے کی تجویز زیر غور ہے۔
کے الیکٹرک کو بجلی چوری کی روک تھام کے لیے مزید تکنیکی اقدامات کرنے کی ہدایت دی گئی ہے۔
تھر کول کے ذریعے صنعتوں کو توانائی فراہم کرنے کے لیے ریلوے لائن بچھانے کی تجویز پر غور کیا جا رہا ہے۔
وزیراعلیٰ سندھ نے وزیر توانائی کو ہدایت کی کہ صنعتکاروں سے کوئلے کی طلب حاصل کر کے فوری اقدامات کیے جائیں۔