(تشکر نیوز) – کمشنر کراچی سید حسن نقوی نے قزاقستان کے سفیر یرزہان کستافن سے اپنے دفتر میں اہم ملاقات کی۔ کمشنر کراچی نے سفیر کو خوش آمدید کہتے ہوئے اس ملاقات کو کراچی کی ترقی اور بہتری کے لیے اہم اور سودمند قرار دیا۔
کراچی: رینجرز اور کسٹم کا مشترکہ آپریشن، کروڑوں روپے مالیت کی اسمگل شدہ اشیاء برآمد
قزاقستان کے سفیر یرزہان کستافن نے کمشنر کراچی کو یقین دلایا کہ ان کا ملک کراچی کی ترقی کے لیے مختلف شعبوں میں تعاون فراہم کرے گا۔
ملاقات کے دوران باہمی دوستی، تجارتی تعلقات، اور دیگر اہم امور پر تفصیلی تبادلہ خیال کیا گیا۔ دونوں رہنماؤں نے کراچی کی بہتری کے لیے مشترکہ کوششوں پر زور دیا اور مستقبل میں تعاون بڑھانے کے عزم کا اظہار کیا۔
یہ ملاقات دونوں ممالک کے درمیان تعلقات کو مزید مضبوط بنانے اور کراچی کی ترقی میں قزاقستان کے ممکنہ کردار کو اجاگر کرنے کا ایک اہم موقع ثابت ہوئی۔
