کراچی: کیڈا (KEDA) کے صدر محمد عرفان رضوان کی قیادت میں 22 رکنی وفد نے ایڈیشنل آئی جی کراچی آزاد خان سے ملاقات کی، جس میں حاجی ناصر ترک، محمد فاروق، سلمان احمد، زوہیب اور ایسوسی ایشن کے دیگر عہدیداران اور اراکین بھی شریک تھے۔
ملاقات کے دوران وفد نے ایڈیشنل آئی جی کراچی کو عہدہ سنبھالنے پر مبارکباد پیش کی اور نیک تمناؤں کا اظہار کیا۔ اس موقع پر شہر میں جرائم کی صورتحال، امن و امان اور باہمی دلچسپی کے امور پر تفصیلی تبادلہ خیال کیا گیا، جبکہ وفد نے ایسوسی ایشن کو درپیش مسائل سے بھی آگاہ کیا۔
ایڈیشنل آئی جی کراچی آزاد خان نے وفد کے مسائل کو ترجیحی بنیادوں پر حل کرنے کی یقین دہانی کرائی اور پولیس و تاجر برادری کے درمیان مؤثر تعاون کی اہمیت پر زور دیا۔
ملاقات کے اختتام پر وفد نے ایڈیشنل آئی جی کراچی کو پھولوں کا گلدستہ پیش کیا اور کراچی پولیس کے ساتھ مکمل تعاون کی یقین دہانی کرائی۔
