وفاقی حکومت کی جانب سے جاری کردہ اعلامیے کے بعد جاوید عالم اوڈھو نے باضابطہ طور پر انسپکٹر جنرل آف پولیس سندھ کے عہدے کا چارج سنبھال لیا۔ وہ سندھ پولیس کے 86ویں آئی جی مقرر ہوئے ہیں۔
مددگار-15 کا بروقت ایکشن ڈکیتی میں ملوث ملزم گرفتار مسروقہ موبائل برآمد
سینٹرل پولیس آفس کراچی (سی پی او) پہنچنے پر آئی جی سندھ جاوید عالم اوڈھو کو سندھ پولیس کے چاق و چوبند دستے کی جانب سے گارڈ آف آنر پیش کیا گیا۔ اس موقع پر پولیس کے اعلیٰ افسران بھی موجود تھے۔
چارج سنبھالنے کے بعد آئی جی سندھ نے پولیس کے شہداء کی یادگار پر حاضری دی، پھولوں کی چادر چڑھائی اور فاتحہ خوانی کی۔ انہوں نے شہداء کی عظیم قربانیوں کو خراجِ عقیدت پیش کرتے ہوئے ان کے درجات کی بلندی کے لیے دعا کی۔
بعد ازاں جاوید عالم اوڈھو نے سی پی او میں اعلیٰ پولیس افسران سے ملاقات کی اور پیشہ ورانہ ذمہ داریوں، امن و امان کی صورتحال اور پولیسنگ کے نظام کو مزید مؤثر بنانے پر تبادلہ خیال کیا۔