وفاقی وزیر اطلاعات و نشریات عطا تارڑ نے کہا ہے کہ پاک فوج نے دہشت گردی کے خلاف جدوجہد میں بے مثال قربانیاں دی ہیں اور قوم ان قربانیوں کو ہمیشہ یاد رکھے گی۔ انہوں نے نشاندہی کی کہ نیشنل ایکشن پلان کے تحت دہشت گردوں کو شکست دی گئی مگر ماہِ گذشته میں پیش آنے والے واقعات، خصوصاً پریڈ لائن مسجد پر حملے کی شہادتیں فراموش نہیں کی جا سکتیں۔
خیبرپختونخوا علی امین گنڈاپور کے خلاف عدم اعتماد ممکن نہیں آئینی ماہرین کی رائے
عطا تارڑ نے کہا کہ فتنۃ الخوارج کا دین یا اسلام سے کوئی تعلق نہیں بلکہ یہ ایک دہشت گرد سازش ہے۔ انہوں نے الزام عائد کیا کہ بعض حلقے، خاص طور پر خیبرپختونخوا کی سابقہ حکومت، اسمگلنگ اور غیر قانونی تجارت کے ذریعے دہشت گردی کو مالی معاونت فراہم کر رہے ہیں۔ ان کے مطابق نان کسٹم پیڈ گاڑیوں، تیل، اشیائے خورونوش اور منشیات کی اسمگلنگ اس نیٹ ورک کا حصہ ہے۔
وزیر نے پی ٹی آئی پر سخت تنقید کرتے ہوئے کہا کہ بعض عناصر اسمگلنگ کے منافع سے فائدہ اٹھاتے اور دہشت گرد گروہوں کی پشت پناہی میں ملوث ہیں۔ انہوں نے دعویٰ کیا کہ تحریک انصاف کی صوبائی قیادت میں ٹمبر، ڈرگ اور منشیات مافیا بھی بیٹھا ہے، جن کے خلاف اب معاشی اصلاحات کے تحت کریک ڈاؤن شروع کر دیا گیا ہے۔
عطا تارڑ نے ڈی جی آئی ایس پی آر لیفٹیننٹ جنرل احمد شریف کی پریس کانفرنس کی حمایت کا اظہار کرتے ہوئے کہا کہ اب نیوٹرل رہنے کی گنجائش نہیں رہی — ہر فرد اور ادارے کو فیصلہ کرنا ہوگا کہ وہ دہشت گردی کے خلاف ہے یا اس کی حمایت میں۔ انہوں نے واضح کیا کہ ریاست کسی جماعت کو دہشت گردوں کی معاونت کی اجازت نہیں دے گی اور وزیراعظم بھی اسی موقف پر ڈٹے ہوئے ہیں۔