کراچی: رینجرز اور پولیس کی کامیاب مشترکہ کارروائی، منشیات فروش ملزم گرفتار، بھاری مقدار میں منشیات اور مسروقہ سامان برآمد۔

پاکستان رینجرز (سندھ) اور پولیس نے انٹیلیجنس معلومات کی بنیاد پر مشترکہ کارروائی کرتے ہوئے کراچی کے علاقے ناتھا خان ڈرگ روڈ سے منشیات فروشی میں ملوث ملزم محمد جاوید کو گرفتار کر لیا۔ کارروائی کے دوران ملزم کے قبضے سے 1.5 کلوگرام ہیروئن، 2.7 کلوگرام آئس/ہیروئن مکسچر، 460 گرام چرس، چوری شدہ موبائل فونز، مختلف نیٹ ورک کے سم کارڈز، پاسپورٹ اور نقدی برآمد کر لی گئی۔

کراچی: اسٹیل ٹاؤن میں فائرنگ کے نتیجے میں پولیس اہلکار شہید، وزیر داخلہ سندھ ضیاء الحسن لنجار نے ملزمان کی فوری گرفتاری کے احکامات جاری کر دیے۔

ابتدائی تفتیش کے مطابق، گرفتار ملزم کراچی کے مختلف علاقوں جیسے ڈرگ روڈ، ناتھا خان، شاہ فیصل کالونی، گلشن اقبال، جامعہ کراچی کے گردونواح اور بیرون ملک منشیات کی سپلائی میں ملوث رہا ہے۔ رینجرز اور پولیس نے ملزم کے دیگر ساتھیوں کی گرفتاری کے لیے چھاپے مارنے کا عمل شروع کر دیا ہے۔

گرفتار ملزم کو برآمد شدہ منشیات اور مسروقہ سامان سمیت مزید قانونی کارروائی کے لیے پولیس کے حوالے کر دیا گیا ہے۔ عوام سے اپیل کی گئی ہے کہ ایسے جرائم پیشہ عناصر کی اطلاع فوری طور پر قریبی رینجرز چیک پوسٹ، رینجرز ہیلپ لائن 1101 یا رینجرز مددگار واٹس ایپ نمبر 03479001111 پر دیں۔ اطلاع دہندہ کا نام صیغہ راز میں رکھا جائے گا۔