کراچی: (تشکُّر نیوز) ایس آئی یو (اسٹریٹ کرائم یونٹ) اور سی آئی پولیس نے اسٹریٹ کرائم کی وارداتوں میں ملوث پانچ ملزمان کو گرفتار کر لیا۔ ملزمان سے اسلحہ اور موٹر سائیکل برآمد کی گئی ہیں۔
ناظم آباد میں غیر قانونی تعمیرات سے متعلق درخواست کی سماعت، ایس بی سی اے حکام پر برہمی کا اظہار
گرفتار ہونے والے ملزمان میں منیب، شہزاد علی، نیک محمد، امتیاز علی اور علی مراد شامل ہیں۔ ملزمان نے کراچی کے مختلف تھانہ جات کی حدود میں اسٹریٹ کرائم کی متعدد وارداتوں میں ملوث ہونے کا انکشاف کیا ہے۔
ایس آئی یو اور سی آئی کی جانب سے شاہراہ نور جہاں اور زمان ٹاؤن میں چھاپہ مار کارروائیاں کی گئیں، جس میں ملزمان کو گرفتار کیا گیا۔ پولیس نے مزید تفتیش کا آغاز کر دیا ہے۔