ایس ایس پی ضلع کورنگی اور ایس پی لانڈھی کی سخت ہدایات پر لانڈھی پولیس نے خفیہ اطلاع پر کامیاب کارروائی کرتے ہوئے ماوا فروشی میں ملوث دو رپیٹ کرمنل ملزمان کو گرفتار کر لیا۔
بنگلورو ایئرپورٹ پر کورین خاتون سے مبینہ جنسی ہراسانی، گراؤنڈ اسٹاف گرفتار
پولیس کے مطابق گرفتار ملزمان کے قبضے سے مجموعی طور پر 605 پیکٹ ماوا برآمد کیے گئے۔ گرفتار ملزمان کی شناخت خرم شہزاد ولد بشیر احمد اور رضوان ولد مقصود احمد کے نام سے ہوئی۔ خرم شہزاد کے قبضے سے 575 پیکٹ جبکہ رضوان کے قبضے سے 30 پیکٹ ماوا برآمد ہوا۔
پولیس کا کہنا ہے کہ دونوں ملزمان اس سے قبل بھی ماوا اور منشیات فروشی کے مقدمات میں جیل جا چکے ہیں۔ ملزمان کے خلاف مقدمہ الزام نمبر 629/2026 بجرم دفعات گھٹکا ماوا ایکٹ کے تحت تھانہ لانڈھی میں درج کر کے مزید تفتیش کا آغاز کر دیا گیا ہے۔
پولیس ریکارڈ کے مطابق ملزم رضوان ولد مقصود احمد کے خلاف پہلے بھی تھانہ لانڈھی میں مقدمات درج ہیں جن میں مقدمہ الزام نمبر 438/2019 بجرم دفعات 269، 270، 337-J اور گھٹکا ماوا ایکٹ جبکہ مقدمہ الزام نمبر 236/2023 بجرم دفعہ 9(1)A شامل ہے۔
پولیس حکام کا کہنا ہے کہ ضلع کورنگی میں منشیات اور ماوا فروشی کے خلاف زیرو ٹالرنس پالیسی کے تحت بلاامتیاز کارروائیاں جاری رہیں گی۔