کراچی پاکستان میں منشیات کی اسمگلنگ کے خلاف ایک اور بڑی کارروائی کرتے ہوئے اے این ایف (اینٹی نارکوٹکس فورس) نے تعلیمی اداروں کے گردونواح اور مختلف شہروں میں منشیات اسمگلنگ کے خلاف کریک ڈاؤن جاری رکھا ہے۔ مختلف کاروائیوں میں 8 ملزمان کو گرفتار کیا گیا، جبکہ 3 کروڑ 84 لاکھ روپے سے زائد مالیت کی 174.616 کلوگرام منشیات برآمد کی گئی۔
سندھ کے بلدیاتی مسائل اور اقدامات پر وزیر بلدیات سعید غنی کا تفصیلی بیان
راولپنڈی میں سروس روڈ پر یونیورسٹی کے قریب کی جانے والی کارروائی میں دو ملزمان سے 1 کلو چرس برآمد کی گئی۔ گرفتار ملزم نے اعتراف کیا کہ وہ تعلیمی اداروں کے طلباء کو منشیات فروخت کرتا تھا۔
دیگر اہم کارروائیاں:
راولپنڈی میں واقع کوریئر آفس میں برطانیہ سے بھیجے گئے دو پارسلز سے 116 گرام ویڈ برآمد۔
کوئٹہ میں کوریئر آفس کے ذریعے نیوزی لینڈ بھیجے جانے والے پارسل سے 6.8 کلو آئس برآمد، جو کہ لیڈیز کپڑوں میں چھپائی گئی تھی۔
بلوچستان کے پسنی کے غیر آباد علاقے سے 90 کلو چرس اور 50 کلو آئس برآمد۔
سہراب گوٹھ کراچی میں ہوٹل کے قریب ایک ملزم سے 9.6 کلوگرام چرس برآمد۔
اسلام آباد کے قریب ایم ون موٹر وے پر ایک ملزم سے 5 کلو آئس، 1.2 کلو چرس اور 500 گرام ہیروئن برآمد۔
چناب ٹول پلازہ جی ٹی روڈ گجرات کے قریب ایک گاڑی سے 4.8 کلو افیون برآمد، دو ملزمان گرفتار۔
حیدر آباد جامشورو میں پیٹرول پمپ کے قریب 2 کلو چرس اور 1.5 کلو آئس برآمد۔
ترکی ٹول پلازہ جہلم کے قریب ایک ملزم سے 1.1 کلو ہیروئن اور 1 کلو آئس برآمد۔
گرفتار ملزمان کے خلاف انسداد منشیات ایکٹ کے تحت مقدمات درج کر کے تحقیقات کا آغاز کر دیا گیا ہے۔ اے این ایف کی کارروائیاں منشیات کی روک تھام کے لیے جاری رہیں گی۔
