اسلام آباد (تشکر نیوز) اٹھائیسویں سالانہ انٹرنیشنل ایسوسی ایشن آف پیس کیپنگ ٹریننگ سینٹرز کانفرنس کی اختتامی تقریب اسلام آباد میں منعقد ہوئی، جس میں عالمی سطح پر امن کے چیلنجز سے نمٹنے کے لئے بین الاقوامی تعاون کی اہمیت پر زور دیا گیا۔
پاک فوج کے شعبہ تعلقات عامہ (آئی ایس پی آر) کے مطابق اختتامی تقریب کی صدارت سیکرٹری دفاع لیفٹیننٹ جنرل (ر) محمد علی نے کی۔ اس موقع پر امن مشنز کے لئے جدید تربیتی حکمت عملیوں پر تفصیلی تبادلہ خیال کیا گیا۔
کانفرنس کے شرکا نے پاکستان کی عالمی امن کے لئے کی جانے والی کوششوں کو خراجِ تحسین پیش کیا اور کانفرنس کے ذریعے قائم ہونے والے تعاون اور ہم آہنگی کو سراہا۔ عالمی امن کے چیلنجز سے نمٹنے کے لئے بین الاقوامی سطح پر مشترکہ اقدامات کی اہمیت کو بھی اجاگر کیا گیا۔