چیئرمین پاکستان کرکٹ بورڈ (پی سی بی) محسن نقوی آج قومی کرکٹ ٹیم سے ملاقات کریں گے، جس میں ٹی ٹوئنٹی ورلڈ کپ سے متعلق آئندہ کے لائحہ عمل پر کھلاڑیوں کو اعتماد میں لیا جائے گا۔ ذرائع کے مطابق ملاقات کے دوران ٹیم کی تیاریوں اور ممکنہ فیصلوں پر بھی بات چیت متوقع ہے۔
سانحہ گل پلازہ: تحقیقات کے لیے این ای ڈی یونیورسٹی کی ٹیکنیکل ٹیم کا دورہ، عمارت میں خطرے کی نشاندہی
یاد رہے کہ اس سے قبل محسن نقوی نے واضح کیا تھا کہ پاکستان کی ٹی ٹوئنٹی ورلڈ کپ میں شرکت سے متعلق حتمی فیصلہ حکومتِ پاکستان کرے گی۔ ان کا کہنا تھا کہ اس معاملے میں تمام پہلوؤں کو مدنظر رکھا جا رہا ہے۔
چیئرمین پی سی بی نے بنگلادیش کے حوالے سے بات کرتے ہوئے کہا تھا کہ بنگلادیش کے ساتھ زیادتی ہو رہی ہے اور اسے ٹی ٹوئنٹی ورلڈ کپ میں شامل ہونا چاہیے۔ ان کے مطابق بنگلادیش آئی سی سی میں برابر کی حیثیت کا رکن ملک ہے، اور اگر پاکستان کے معاملے میں بھارت کو کوئی رعایت دی جاتی ہے تو بنگلادیش کو بھی وہی سہولت ملنی چاہیے۔
ایک سوال کے جواب میں محسن نقوی نے یہ بھی کہا تھا کہ 10 مئی کو ایک فیصلہ کیا گیا تھا، تاہم اس کے بعد یہ نہیں دیکھا گیا کہ آگے کیا پیش رفت ہوتی ہے۔ ان بیانات کے بعد آج ہونے والی ملاقات کو قومی ٹیم اور کرکٹ حلقوں میں انتہائی اہم قرار دیا جا رہا ہے۔