سینئر اداکارہ بشریٰ انصاری نے اپنے نام سے بنائے گئے جعلی سوشل میڈیا اکاؤنٹس اور ان کے ذریعے لوگوں سے پیسے مانگنے والوں پر سخت برہمی کا اظہار کرتے ہوئے انسٹاگرام پر وارننگ اور ویڈیو پیغام جاری کیا ہے۔
ترکیہ سعودی عرب اور پاکستان کے دفاعی اتحاد میں شمولیت کے لیے مذاکرات میں
انسٹاگرام پر پوسٹ کی گئی ویڈیو میں بشریٰ انصاری نے کہا کہ اب سوشل میڈیا پر بھکاری ان کے جعلی آئی ڈیز استعمال کر رہے ہیں اور عوام سے اپیل کی کہ انہیں فالو نہ کریں۔
اداکارہ نے بتایا کہ یہ جعلی اکاؤنٹس انسٹاگرام سے لی گئی تصاویر کے ذریعے لوگوں سے بھیک مانگ رہے ہیں۔ کچھ اکاؤنٹس جمعرات کو غریبوں کی مدد کا مذہبی دن قرار دے رہے ہیں جبکہ بعض یہ دعویٰ کر رہے ہیں کہ وہ غریبوں اور بیواؤں کی مدد کے لیے این جی او بنا رہے ہیں۔
انہوں نے افسوس کا اظہار کرتے ہوئے کہا، "اس دنیا میں بے غیرتوں کی کمی نہیں ہے۔” اسی ویڈیو میں انہوں نے ایک تازہ جعلی اکاؤنٹ کی نشاندہی بھی کی جس میں ان کی نئی تصویر استعمال کی گئی تھی، جس میں وہ بندی لگائے نظر آ رہی تھیں، اور لوگوں سے کہا کہ اس دھوکے میں نہ آئیں۔
بشریٰ انصاری نے کہا کہ وہ بار بار ان جعلی صفحات کو رپورٹ اور بلاک کرتی ہیں، مگر مسئلہ ختم نہیں ہوتا۔ اداکارہ نے واضح کیا کہ اگر وہ کبھی کسی کی مدد کرتی ہیں تو خاموشی سے کرتی ہیں اور انہوں نے کبھی کسی سے ادھار نہیں لیا۔
عوام کو کسی ابہام سے بچانے کے لیے انہوں نے اپنے اصل اکاؤنٹس بھی بتائے: انسٹاگرام پر ansari.bushra، فیس بک پر Bushra Bashir اور ایک اور فیس بک اکاؤنٹ جس میں وہ صائمہ چوہدری کے کردار میں تانگے پر بیٹھی نظر آتی ہیں۔