لاہور: معروف یوٹیوبر سعد الرحمان، جنہیں ڈکی بھائی کے نام سے جانا جاتا ہے، اور ان کی اہلیہ عروب جتوئی کو گرفتار کرنے کے بعد رہا کر دیا گیا۔
بجلی کی پیداوار اور خریداری کیلئے ایک آزاد مارکیٹ بنانے کی منظوری
نجی ٹی وی چینل ایکسپریس نیوز کے مطابق، پنجاب پولیس کے ذرائع نے بتایا کہ عروب جتوئی نے سوشل میڈیا پر اسلحے کی نمائش کی تھی۔ ماڈل ٹاؤن آرگنائزڈ کرائم یونٹ نے اسی بنیاد پر دونوں کو حراست میں لیا تھا۔
دونوں یوٹیوبرز کو معافی نامہ پیش کرنے کے بعد چھوڑ دیا گیا۔ دوسری جانب، نجی ٹی وی سماء نیوز کے مطابق، اسلحہ کی نمائش کے الزامات کے ساتھ جوڑے پر حکومت مخالف نعرے لگانے اور پاکستان تحریک انصاف (پی ٹی آئی) کے احتجاج کی حمایت کرنے کا بھی الزام عائد کیا گیا۔ یہ واقعہ منگل کی صبح پیش آیا اور اس نے مداحوں اور میڈیا کی خاصی توجہ حاصل کی۔