سربراہ پاک فضائیہ Zahir Ahmed Babar Sidhu سرکاری دورے پر ترکیہ پہنچ گئے، جہاں انہوں نے اعلیٰ ترک عسکری و دفاعی قیادت سے اہم ملاقاتیں کیں۔
آئی ایس پی آر کے مطابق ائیر چیف نے ترکیہ میں General Ziya Cemal Kadıoğlu، وزیرِ قومی دفاع Yaşar Güler اور دفاعی ٹیکنالوجی کمپنی بائیکار کے چیف ٹیکنالوجی آفیسر سے ملاقاتیں کیں۔
ترک فضائیہ کے ہیڈکوارٹرز آمد پر ائیر چیف کا پرتپاک استقبال کیا گیا اور انہیں گارڈ آف آنر پیش کیا گیا۔ ملاقات کے دوران ترک فضائیہ کے سربراہ نے پاکستان ایئر فورس کے تربیتی کردار اور تعاون کو سراہا۔
دونوں ممالک کے رہنماؤں نے دفاعی تعاون، ایرو اسپیس ٹیکنالوجی، جدید فضائی نظام اور دفاعی صنعت میں اشتراک کو مزید فروغ دینے کے عزم کا اعادہ کیا۔
ترک وزیر دفاع سے ملاقات میں پاکستان اور ترکیہ کے درمیان تاریخی، اسٹریٹجک اور برادرانہ تعلقات پر زور دیا گیا اور تربیت، استعداد کار میں اضافے اور مشترکہ دفاعی منصوبوں پر تبادلہ خیال کیا گیا۔
بائیکار ٹیکنالوجیز کے ساتھ ملاقات میں ڈرون ٹیکنالوجی، جدید فضائی نظام اور اگلی نسل کی دفاعی ٹیکنالوجی میں تعاون کے امکانات پر بھی گفتگو ہوئی۔
دونوں ممالک نے اس بات پر اتفاق کیا کہ دفاعی شعبے میں بڑھتا ہوا اشتراک خطے میں سیکیورٹی اور ٹیکنالوجی کے میدان میں نئی راہیں کھولے گا۔