کراچی (خصوصی رپورٹ): دنیا اخبار کے ایڈمن محمد عامر کے مطابق، ان کے گھر کے باہر سے موٹر سائیکل سوار دو چور بکری چوری کر کے فرار ہو گئے۔ پہلے ایک چور اکیلا آیا اور بعد میں اس کا ساتھی بھی آیا، جس نے بکری کو کھول کر موٹر سائیکل پر باندھ کر لے گئے۔
اہلیان شاہ فیصل کالونی نے پولیس سے اپیل کی ہے کہ ملزمان کو جلد گرفتار کر کے بکری برآمد کی جائے اور ملزمان کو قرار واقعی سزا دی جائے تاکہ عید قربان سے قبل ایسے واقعات میں کمی آئے۔
محمد عامر نے عوام سے بھی درخواست کی ہے کہ قربانی کے جانور خاص طور پر چھوٹے جانوروں کو لوہے کی زنجیر اور تالا لگا کر گھر کے باہر باندھیں تاکہ چوری کی وارداتیں روکی جا سکیں۔ انہوں نے کراچی پولیس چیف سے بھی مطالبہ کیا ہے کہ پولیس گشت بڑھایا جائے تاکہ ایسے جرائم پر قابو پایا جا سکے۔
