آل کراچی ریئلٹرز ایسوسی ایشن کے چیئرمین راحیل ہارون نے اپنے ایک اہم بیان میں رئیل اسٹیٹ سیکٹر کی سنگین بے ضابطگیوں اور کرپشن پر شدید تشویش کا اظہار کرتے ہوئے کہا ہے کہ
ضلع وسطی میں پاک فوج اور فضائیہ سے اظہار یکجہتی، ڈپٹی کمشنر آفس سے ریلی کا انعقاد
"رئیل اسٹیٹ پاکستان کی معیشت کا ریڑھ کی ہڈی ہے، جو لاکھوں افراد کو روزگار فراہم کرتا ہے اور ملکی سرمایہ کاری کا اہم ذریعہ ہے، مگر افسوس کہ آج تک اس شعبے کے لیے کوئی مؤثر، شفاف اور محفوظ پالیسی نہیں بنائی جا سکی۔”
انہوں نے کہا کہ:
اس سیکٹر میں فراڈ، بلیک منی اور منی لانڈرنگ ایک معمول بن چکے ہیں۔
اشتہارات کی بنیاد پر پراجیکٹس لانچ ہوتے ہیں، مگر قانونی اجازت (این او سی) کا کوئی تصور نہیں ہوتا۔
عوام بغیر تحقیق اپنی زندگی بھر کی جمع پونجی ان پراجیکٹس میں لگا دیتے ہیں۔
متعلقہ ادارے یا تو خاموش تماشائی ہوتے ہیں یا رشوت کے بدلے آنکھیں بند کر لیتے ہیں۔
راحیل ہارون نے سوال اٹھایا کہ:
"جب غیر قانونی سوسائٹیز اور بلڈنگز بغیر این او سی کے تعمیر ہو رہی ہوتی ہیں تو ایس بی سی اے (SBCA) اور دیگر ادارے کہاں ہوتے ہیں؟”
انہوں نے الزام عائد کیا کہ:
یہ ادارے جان بوجھ کر پہلے بغیر منظوری کے تعمیرات ہونے دیتے ہیں،
پھر رشوت لے کر انہدام سے بچاؤ کی راہیں تلاش کی جاتی ہیں۔
اس وقت تک کوئی حرکت میں نہیں آتا جب تک عوام کا پیسہ ضائع نہ ہو جائے۔
راحیل ہارون نے عام شہریوں کی حالت زار بیان کرتے ہوئے کہا:
"اگر کوئی دکان دار ایک انچ تھڑا نکال لے یا دو بوری سیمنٹ رکھ دے تو فوراً SBCA کے انسپکٹر پہنچ جاتے ہیں، لیکن جب بات لاکھوں مربع گز پر پھیلے غیر قانونی منصوبوں کی ہو، تو سب ادارے غائب ہو جاتے ہیں۔”
انہوں نے آرمی چیف جنرل عاصم منیر سے مطالبہ کیا کہ:
ایک قومی رئیل اسٹیٹ پالیسی فوری طور پر نافذ کی جائے،
غیر قانونی پراجیکٹس، بلیک منی اور ادارہ جاتی کرپشن کا خاتمہ کیا جائے،
عوام کی جمع پونجی اور اعتماد کی حفاظت یقینی بنائی جائے۔
آخر میں چیئرمین نے واضح کیا کہ:
"اگر عوام کے ٹیکس پر پلنے والے سرکاری افسران، عوام کے محافظ بننے کے بجائے فراڈیوں کے سہولت کار بنے رہیں گے، تو یہ نظام عوامی نہیں بلکہ مافیا کا نظام ہوگا۔”
