کراچی: بلدیہ ٹاؤن میں ایک اور سنگین جعلسازی کا انکشاف ہوا ہے، جہاں گریڈ 17 کے ایڈمنسٹریٹو آفیسر وجاہت اقبال نے جعلی لیٹر کے ذریعے گریڈ 18 میں ترقی حاصل کرنے کی کوشش کی۔
اے این ایف کا منشیات اسمگلنگ کے خلاف کریک ڈاؤن، 6 ملزمان گرفتار
جعلی پروموشن اسکینڈل کی تفصیلات:
24 دسمبر 2024 کو بلدیہ ٹاؤن کو سیکشن آفیسر منصور لکھن کے نام سے ایک جعلی لیٹر موصول ہوا۔
اس جعلی لیٹر میں وجاہت اقبال کو گریڈ 17 سے گریڈ 18 میں ترقی دینے کا حکم دیا گیا۔
نامعلوم تاریخ کو میونسپل کمشنر امجد علی پتافی نے اس لیٹر کی تصدیق کے لیے لوکل گورنمنٹ کو خط لکھا۔
27 جنوری 2025 کو منصور لکھن کے جعلی لیٹر کے ذریعے وجاہت اقبال کی ترقی کی ویریفیکیشن بھی کر دی گئی۔
چیئرمین بلدیہ ٹاؤن سے فوری کارروائی کا مطالبہ
چیئرمین بلدیہ ٹاؤن کریم آسکانی سے مطالبہ کیا جا رہا ہے کہ جعلی دستاویزات پر ترقی حاصل کرنے کی کوشش کرنے والے وجاہت اقبال کو فوری طور پر معطل کیا جائے اور اس جعلسازی میں ملوث دیگر افراد کے خلاف سخت قانونی کارروائی کی جائے۔
