Chagai-I کا دن پاکستان کی تاریخ میں تجدیدِ وفا، قومی سلامتی اور بقاء کی علامت کے طور پر یاد رکھا جاتا ہے۔ 28 مئی 1998 کو پاکستان نے بھارت کے ایٹمی دھماکوں کے جواب میں کامیاب جوہری تجربات کر کے خطے میں طاقت کا توازن بحال کیا اور نئی تاریخ رقم کی۔
یومِ تکبیر پر مسلح افواج کے سربراہان کی قوم کو مبارکباد، دفاعِ وطن کے عزم کا اعادہ
بھارت کے پانچ ایٹمی دھماکوں کے بعد خطے میں امن کو شدید خطرات لاحق ہوگئے تھے جبکہ بھارتی قیادت کے جارحانہ عزائم نے جنوبی ایشیا کی صورتحال کو مزید کشیدہ بنا دیا تھا۔
عالمی دباؤ، معاشی پابندیوں اور دھمکیوں کے باوجود پاکستان کی سیاسی اور عسکری قیادت نے قومی سلامتی کو ترجیح دیتے ہوئے جراتمندانہ فیصلہ کیا اور بلوچستان کے علاقے Chagai میں کامیاب ایٹمی دھماکے کیے۔
پاکستان دنیا کی ساتویں جبکہ عالمِ اسلام کی پہلی ایٹمی طاقت بن کر ابھرا۔ چاغی کے پہاڑوں میں گونجتے “اللہ اکبر” کے نعروں نے دنیا کو واضح پیغام دیا کہ پاکستان اپنی خودمختاری، سالمیت اور دفاع پر کبھی سمجھوتہ نہیں کرے گا۔
پاکستان کے ایٹمی پروگرام نے دشمن کی برتری کے غرور کو خاک میں ملا دیا اور ملک کے دفاع کو ناقابلِ تسخیر بنا دیا۔ یومِ تکبیر آج بھی قومی خودداری، مضبوط دفاع اور ناقابلِ شکست عزم کی روشن علامت سمجھا جاتا ہے۔