کراچی، 13 اکتوبر 2026: ملیر کے علاقے بن قاسم میں ایک گھر سے پانچ افراد کی لاشیں ملنے کے واقعے کا آئی جی سندھ جاوید عالم اوڈھو نے نوٹس لے لیا۔
ترجمان سندھ پولیس کے مطابق آئی جی سندھ نے ڈی آئی جی ایسٹ سے واقعے کی تفصیلی رپورٹ طلب کرلی ہے۔
جاوید عالم اوڈھو نے متعلقہ افسران کو واقعے کی تمام پہلوؤں سے شفاف اور غیر جانب دارانہ تحقیقات کی ہدایت کی۔ انہوں نے ہلاکتوں کی اصل وجوہات معلوم کرنے پر بھی زور دیا۔
شواہد اور فرانزک تحقیقات کی ہدایت
آئی جی سندھ نے جائے وقوعہ سے شواہد جمع کرنے اور فرانزک تحقیقات سمیت تمام قانونی تقاضے پورے کرنے کی ہدایت کی۔
گڈاپ سٹی پولیس: جوتوں کے سول میں چھپائی گئی 2 کلو چرس برآمد، 2 ملزمان گرفتار
انہوں نے کہا کہ واقعے میں ملوث عناصر یا کسی ممکنہ مجرمانہ پہلو کو سامنے لانے کے لیے فوری اقدامات کیے جائیں۔
آئی جی سندھ نے متعلقہ افسران کو تحقیقات میں پیش رفت سے مسلسل آگاہ رکھنے کی بھی ہدایت کی۔ ان کے مطابق تحقیقات حقائق اور شواہد کی روشنی میں مکمل کی جائیں۔
