ریاض: سعودی عرب کے محکمہ شہری دفاع نے مکہ مکرمہ، جدہ، ینبع، طائف اور تبوک میں ہنگامی خطرے کا الرٹ جاری کیا۔
عرب میڈیا کے مطابق شہری دفاع نے نیشنل ارلی وارننگ پلیٹ فارم کے ذریعے ممکنہ خطرے سے متعلق شہریوں کو خبردار کیا۔
سعودی حکام نے شہریوں اور مقیم غیرملکیوں کو سرکاری ہدایات پر عمل کرنے کی ہدایت کی۔ انہیں ہجوم سے دور رہنے اور صورتحال کی تصاویر یا ویڈیوز بنانے سے بھی گریز کرنے کا کہا گیا۔
ہنگامی الرٹ کی مخصوص وجہ نہیں بتائی گئی
سعودی حکام نے ابتدائی طور پر الرٹ جاری کرنے کی کوئی مخصوص وجہ بیان نہیں کی۔
یہ پیش رفت یمن کے حوثیوں کی جانب سے سعودی عرب پر حالیہ میزائل اور ڈرون حملوں کے تناظر میں سامنے آئی۔
تاہم، الرٹ اور ان حملوں کے درمیان براہ راست تعلق کی سرکاری طور پر واضح تصدیق سامنے نہیں آئی۔
کراچی ٹریفک نظام کی بہتری: آزاد خان کی جامع پالیسی مرتب کرنے کی ہدایت
تمام شہروں میں خطرہ ٹلنے کی تصدیق
کچھ دیر بعد سعودی شہری دفاع نے مکہ مکرمہ، جدہ اور دیگر متاثرہ شہروں کے لیے جاری الرٹ ختم ہونے کی تصدیق کردی۔
شہری دفاع کے مطابق اب ان علاقوں میں کوئی خطرہ موجود نہیں۔ تاہم شہریوں کو احتیاط جاری رکھنے اور سرکاری ہدایات پر عمل کرنے کی ہدایت کی گئی۔
سعودی فضائی دفاع کی کارروائی
دوسری جانب یمن میں سرگرم سعودی قیادت میں اتحادی افواج کے ترجمان میجر جنرل ترکی المالکی نے ایک بیان میں بتایا کہ سعودی فضائی دفاع نے حوثیوں کے داغے گئے 6 بیلسٹک میزائل فضا میں تباہ کردیے۔