اسلام آباد میں سابق گورنر سندھ عمران اسماعیل، سابق وفاقی وزیر فواد چوہدری اور سابق رکن قومی اسمبلی محمود مولوی نے امریکی وزیر و قونصلر برائے سیاسی امور زیکری وی ہارکن رائیڈر سے اہم ملاقات کی۔ ملاقات فواد چوہدری کی رہائش گاہ پر ہوئی، جہاں سیاسی و معاشی صورتحال پر تفصیلی تبادلہ خیال کیا گیا۔
کراچی میں فتنہ الخوارج سے تعلق رکھنے والے 3 دہشتگرد گرفتار، بڑی تخریبی کارروائی ناکام
ذرائع کے مطابق، ملاقات کے دوران عمران خان سے متعلق امور پر بھی خصوصی گفتگو کی گئی۔ اس کے علاوہ پاک-امریکہ تعلقات، باہمی دلچسپی کے امور، اور خطے کی صورتحال پر بھی تبادلہ خیال کیا گیا۔
رہنماؤں کے خیالات:
عمران اسماعیل نے کہا کہ "پاکستان امریکہ کے ساتھ دوستانہ تعلقات کو قدر کی نگاہ سے دیکھتا ہے۔”
فواد چوہدری نے دوطرفہ روابط کی اہمیت پر زور دیتے ہوئے کہا کہ "پاکستان امریکہ کے ساتھ تعلقات کو مزید فروغ دینا چاہتا ہے۔”
محمود مولوی نے بھی پاک-امریکہ تعلقات کو مستحکم بنانے کے عزم کا اظہار کیا اور امریکی قونصلر کے ساتھ تجارت، درآمدات اور برآمدات سے متعلق معاملات پر تفصیلی گفتگو کی۔
یہ ملاقات ایسے وقت میں ہوئی ہے جب پاکستان میں سیاسی ماحول میں تبدیلیوں اور بین الاقوامی تعلقات کے نئے پہلوؤں پر توجہ مرکوز کی جا رہی ہے۔
