کراچی: ڈی کنسپٹ سیلیبرٹی لیگ کا تیسرا ایڈیشن اگلے سال 22 جنوری سے 26 جنوری تک ملتان اور فیصل آباد میں منعقد کیا جائے گا۔ اس ایونٹ میں شوبز کی دنیا کے فنکار کرکٹ کے میدان میں چھکے اور چوکے لگاتے نظر آئیں گے۔
پاکستان سنی تحریک کا یوم سیاہ: کشمیر پر بھارتی تسلط کے خلاف ملک بھر میں مظاہرے
ڈی کنسپٹ سیلیبرٹی لیگ کے سی ای او دانیال ارشد نے بتایا کہ اس لیگ میں فلم، ڈرامے، نیوز اینکرنگ اور گلوکاری کے 6 مختلف شعبوں کے اسٹارز شرکت کریں گے۔ سینئر اداکار جاوید شیخ نے کہا کہ جب پاکستان کی کرکٹ ٹیم اچھی کارکردگی نہیں دکھا رہی تھی، تو ہم نے اچھے کھلاڑیوں کو سامنے لانے کا فیصلہ کیا۔
اداکار سعود نے کہا کہ "کرکٹ ہمارے خون میں شامل ہے” اور یہ بھی کہ فنکار کرکٹ لیگز سے خاصی محبت رکھتے ہیں۔ اداکار ارباز خان نے اس موقع کو لوگوں کو انٹرٹین کرنے کا ایک بہترین موقع قرار دیا۔
اداکار عدنان ٹیپو نے بھی اپنے خیالات کا اظہار کرتے ہوئے کہا کہ "ہر شخص ٹینشن میں الجھا ہوا ہے، لیکن گراؤنڈ میں آکر فنکاروں کے ساتھ سلیفیاں بناتے ہیں اور ان کی کرکٹ کو داد دیتے ہیں۔”
اس ایونٹ میں مزید شرکت کرنے والے اداکاروں میں عدنان صدیقی، اعجاز اسلم، سعود، آغا علی اور دیگر شامل ہیں۔