کراچی، 28 فروری 2025: میری ٹائم سیکیورٹی مشق "سی گارڈ 25” کراچی میں ڈی بریف سیشن کے ساتھ مکمل ہو گئی۔ ڈپٹی چیف آف دی نیول اسٹاف (آپریشنز)، وائس ایڈمرل راجہ رب نواز نے تقریب میں بطور مہمان خصوصی شرکت کی۔
ہفتہ طلبہ اور انٹر اسکولز اسپورٹس ٹورنامنٹ 2023-24: تقسیم انعامات کی تقریب منعقد
مشق کا مقصد مختلف اداروں کے درمیان معلومات کے تبادلے اور ردعمل کے طریقہ کار کو بہتر بنانا تھا۔ مہمان خصوصی نے خطاب میں جوائنٹ میری ٹائم انفارمیشن اینڈ کوآرڈینیشن سینٹر کے کردار کو سراہتے ہوئے، محفوظ بحری ماحول کے قیام کے لیے پاک بحریہ کے عزم اور فعال کردار کی تعریف کی۔
ڈی بریف سیشن میں عملی مشقوں اور مباحثوں کے تجزیے پر مبنی سفارشات بھی پیش کی گئیں۔ "سی گارڈ 25” اس سلسلے کی دوسری مشق تھی، جس کے ذریعے پاکستان کے میری ٹائم سیکٹر کے تمام اسٹیک ہولڈرز کو ایک پلیٹ فارم پر اکٹھا کیا گیا۔
اختتامی تقریب میں پاکستان میری ٹائم سیکیورٹی ایجنسی، پاکستان کوسٹ گارڈز، پاکستان نیشنل شپنگ کارپوریشن، اینٹی نارکوٹکس فورس، فیڈرل انویسٹی گیشن ایجنسی، کراچی پورٹ ٹرسٹ، پورٹ قاسم اتھارٹی کے سینئر حکام، نجی شعبے کے نمائندگان اور ماہی گیر برادری کی اہم شخصیات نے شرکت کی۔
