اسلام آباد میں اسپیکر سندھ اسمبلی سید اویس قادر شاہ نے پاکستان انسٹی ٹیوٹ فار پارلیمنٹری سروسز (PIPS) کے بورڈ آف گورنرز کی ذیلی کمیٹی کے اجلاس میں شرکت کی۔
12 نومبر 2026 کو ہونے والے اجلاس کی صدارت اسپیکر پنجاب اسمبلی ملک محمد احمد خان نے کی۔
اجلاس میں مجوزہ پارلیمانی لیڈرشپ کورس اور نومنتخب ارکان کی پیشہ ورانہ و پارلیمانی استعداد کار بڑھانے کے لیے تربیتی اقدامات کا جائزہ لیا گیا۔
نومنتخب ارکان کے لیے تربیتی پروگرام پر غور
ذیلی کمیٹی کے ارکان نے نومنتخب پارلیمانی نمائندوں کے لیے منظم تربیتی پروگرام ترتیب دینے پر تبادلہ خیال کیا۔
ان پروگراموں کا مقصد ارکان کی قانون سازی، حکومتی نگرانی اور پارلیمانی اداروں کی مؤثر کارکردگی سے متعلق صلاحیتیں بہتر بنانا ہے۔
اجلاس میں اسپیکر بلوچستان اسمبلی کیپٹن (ر) عبدالخالق خان، رکن قومی اسمبلی سید امین الحق اور پی آئی پی ایس کے ایگزیکٹو ڈائریکٹر عاصم خان گورایہ نے بھی شرکت کی۔
