کراچی میں چیف سیکریٹری سندھ سید آصف حیدر شاہ اور صوبائی وزراء نے سندھی مسلم میں قائم کی گئی فوڈ واک کا دورہ کیا۔ یہ فوڈ واک چنیسر ٹاؤن نے قائم کی ہے۔
دورے میں صوبائی وزیر ثقافت و سیاحت سید ذوالفقار علی شاہ، صوبائی وزیر محنت و افرادی قوت سعید غنی اور چیئرمین چنیسر ٹاؤن فرحان غنی بھی شریک تھے۔
انتظامات اور سہولیات کا معائنہ
چیف سیکریٹری سندھ اور صوبائی وزراء نے فوڈ واک کے قیام اور وہاں کیے گئے انتظامات کا جائزہ لیا۔
اس موقع پر چیئرمین چنیسر ٹاؤن فرحان غنی نے وفد کو فوڈ واک کے قیام، انتظامات اور فراہم کی جانے والی مختلف سہولیات کے بارے میں تفصیلی بریفنگ دی۔
وزیراعلیٰ سندھ افتتاح کریں گے
سندھی مسلم فوڈ واک کا باضابطہ افتتاح یکم نومبر کو وزیراعلیٰ سندھ سید مراد علی شاہ کریں گے۔
