ایل سی کیئر فارما کی 9 ادویات کو جعلی قرار دے دیا گیا ہے۔ لیبارٹری جانچ میں انکشاف ہوا کہ ان ادویات میں اصل دوا کے مطلوبہ اجزا موجود نہیں تھے۔
جعلی قرار دی گئی ادویات بچوں اور بڑوں کے کانوں کے درد کے علاج کے لیے استعمال ہو رہی تھیں۔ اس کے علاوہ آنکھوں کی مرہم، کریم، اسپرے اور لوشن بھی جانچ میں جعلی ثابت ہوئے۔
رپورٹ کے مطابق ادویات کی پیکنگ پر کمپنی کا لائسنس نمبر اور ادویات کی رجسٹریشن کا نمبر بھی درج نہیں تھا۔
نارتھ کراچی میں کارروائی
ایل سی کیئر فارما کے خلاف کارروائی ضلع وسطی کے علاقے نارتھ کراچی میں کی گئی۔ کمپنی کے خلاف قانونی کارروائی کے لیے متعلقہ حکام کو رپورٹس ارسال کردی گئی ہیں۔
یہ رپورٹس صوبائی انسپکٹر ڈرگز کراچی سینٹرل اور سیکریٹری کوالٹی کنٹرول بورڈ سندھ کو بھی بھیج دی گئی ہیں۔
حکام کے مطابق جعلی ادویات تیار کرنے اور فروخت کرنے والوں کے خلاف کارروائیاں جاری رہیں گی۔ بروقت کارروائی سے مریضوں کو غیر مؤثر اور جعلی ادویات کے استعمال سے بچانے میں مدد ملے گی۔