متحدہ قومی موومنٹ پاکستان کے سینئر رہنما فاروق ستار نے نئے انتظامی یونٹس کے قیام پر جلد ریفرنڈم کرانے کا مطالبہ کیا ہے۔
کراچی میں پریس کانفرنس کرتے ہوئے انہوں نے سرکاری کوارٹرز میں مقیم موجودہ اور ریٹائرڈ ملازمین کے مسائل فوری حل کرنے پر بھی زور دیا۔
فاروق ستار نے کہا کہ قیامِ پاکستان کے بعد جہانگیر روڈ، مارٹن کوارٹرز اور دیگر علاقوں میں سرکاری ملازمین آباد ہوئے تھے۔
ان کے مطابق متعدد ملازمین ریٹائرمنٹ کے باوجود سرکاری کوارٹرز میں رہائش پذیر ہیں۔ تاہم، اب موجودہ اور ریٹائرڈ ملازمین کو رہائشی مشکلات کا سامنا ہے۔
انہوں نے کہا کہ حکومت نے ملازمین کے مسائل حل کرنے کی یقین دہانی کرائی ہے۔