کراچی میں یوم علی کی مناسبت سے ہونے والے مرکزی جلوس کے انتظامات کے لیے کمشنر کراچی سید حسن نقوی کی زیر صدارت اجلاس منعقد ہوا، جس میں ڈی آئی جی ٹریفک اور دیگر متعلقہ اداروں کے افسران نے کمشنر کو بریفنگ دی۔
وزیراعلیٰ سندھ کی ایرانی قونصل خانے آمد، شہداء پر فاتحہ خوانی
اجلاس میں بتایا گیا کہ جلوس کے دوران ٹریفک کے خصوصی انتظامات کیے جائیں گے تاکہ شہریوں کو کسی قسم کی مشکلات پیش نہ آئیں۔ ڈی آئی جی ٹریفک نے کمشنر کو بریفنگ دیتے ہوئے کہا کہ متبادل روٹس بنائے جائیں گے تاکہ ٹریفک کے مسائل پر قابو پایا جا سکے، اور جلوس کے راستوں میں روانی برقرار رہے۔
کمشنر کراچی نے اجلاس کے دوران ہدایت کی کہ جلوس کو فول پروف سیکیورٹی فراہم کی جائے اور شرکاء کی حفاظت کو ہر صورت یقینی بنایا جائے۔ ساتھ ہی ٹریفک، صفائی، پانی کی فراہمی اور اسٹریٹ لائٹس کی تنصیب کے انتظامات بھی مکمل کیے جائیں تاکہ جلوس کے شرکا کو تمام سہولیات فراہم کی جا سکیں۔
کمشنر نے زور دیا کہ انتظامیہ اور متعلقہ ادارے مشترکہ طور پر کام کریں تاکہ جلوس پرسکون اور شفاف انداز میں منعقد ہو اور شہریوں کو کم سے کم مشکلات کا سامنا کرنا پڑے۔