...

اسلام آباد میں تجاوزات کے خلاف کارروائی، کھنہ پولیس اسٹیشن کی عمارت مسمار

وفاقی دارالحکومت میں تجاوزات اور سرکاری اراضی پر قبضوں کے خلاف آپریشن کے دوران اسلام آباد ایکسپریس وے کی گرین بیلٹ پر قائم کھنہ پولیس اسٹیشن کی عمارت مسمار کر دی گئی۔

وفاقی وزیر داخلہ محسن نقوی نے پولیس اسٹیشن کی مسماری کے آپریشن کی نگرانی کی۔ چیف کمشنر اسلام آباد اور آئی جی اسلام آباد پولیس بھی اس موقع پر موجود تھے اور آپریشن میں حصہ لیا۔

کھنہ پولیس اسٹیشن کے لیے نئی جگہ مختص

محسن نقوی نے بتایا کہ کھنہ پولیس اسٹیشن کو عارضی طور پر متبادل جگہ پر منتقل کر دیا گیا ہے۔ تھانے کے لیے نئی قانونی جگہ بھی مختص کر دی گئی ہے، جہاں نئی عمارت تعمیر کی جائے گی۔

سرکاری اراضی پر قبضہ برداشت نہیں کیا جائے گا، محسن نقوی

وفاقی وزیر داخلہ نے کہا کہ سرکاری اراضی پر کسی سرکاری یا نجی ادارے اور کسی فرد کو قبضے کی اجازت نہیں دی جائے گی۔

انہوں نے بتایا کہ وزارت داخلہ کے ماتحت اداروں کے قبضے سے بھی سرکاری اراضی واگزار کرائی جا رہی ہے۔ کچھ عرصہ قبل میریٹ ہوٹل کے قریب ایف سی کیمپ آفس کو بھی مسمار کیا گیا تھا۔

محسن نقوی نے کہا کہ تجاوزات اور سرکاری اراضی پر قبضوں کے خلاف بلاامتیاز کارروائیاں جاری رہیں گی۔ اسلام آباد سے تجاوزات کا سو فیصد خاتمہ حکومت کا ہدف ہے۔

ان کا کہنا تھا کہ حکومت اسلام آباد کو خوبصورت، سرسبز اور تجاوزات سے پاک شہر بنانا چاہتی ہے۔

5 thoughts on “اسلام آباد میں تجاوزات کے خلاف کارروائی، کھنہ پولیس اسٹیشن کی عمارت مسمار”

  1. Hi, Neat post. There’s an issue together with your website in web explorer, might test this?
    IE still is the marketplace chief and a good element of
    other folks will leave out your wonderful writing because of this problem.

  2. Thank you a bunch for sharing this with all people you really recognise what you are
    speaking approximately! Bookmarked. Please also discuss with my web site =).

    We can have a link alternate contract between us

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Don`t copy text!
Seraphinite AcceleratorOptimized by Seraphinite Accelerator
Turns on site high speed to be attractive for people and search engines.