راولپنڈی: انگلینڈ کے کپتان ہیری بروک نے سری لنکا کے خلاف ون ڈے کرکٹ میں تاریخ رقم کردی۔ انہوں نے پاکستان کی سرزمین پر تیز ترین ڈبل سنچری کا عالمی ریکارڈ قائم کیا۔
ہیری بروک نے صرف 114 گیندوں پر ڈبل سنچری مکمل کی۔ وہ ون ڈے انٹرنیشنل کرکٹ میں ڈبل سنچری بنانے والے پہلے انگلش بیٹر بھی بن گئے۔
116 گیندوں پر 202 رنز کی اننگز
انگلش کپتان نے مجموعی طور پر 116 گیندوں پر 202 رنز بنائے۔ ان کی اننگز میں 21 چوکے اور 10 چھکے شامل تھے۔
اس کارکردگی کے ساتھ ہیری بروک نے انگلینڈ کی جانب سے ون ڈے میں سب سے بڑی انفرادی اننگز کا ریکارڈ بھی اپنے نام کرلیا۔ اس سے قبل یہ ریکارڈ بین اسٹوکس کے 182 رنز کے پاس تھا۔
انگلینڈ نے 430 رنز کا ہدف دیا
ہیری بروک کی دھواں دار اننگز کی بدولت انگلینڈ نے 50 اوورز میں 429 رنز بنائے۔ اس طرح سری لنکا کو جیت کے لیے 430 رنز کا ہدف ملا۔
انگلینڈ نے آخری 10 اوورز میں 156 رنز اسکور کیے۔ ول جیکس نے بھی تیز رفتار بیٹنگ کرتے ہوئے 66 رنز ناٹ آؤٹ بنائے۔