اسرائیل نے جنوبی لبنان میں سکیورٹی زون برقرار رکھنے کے لیے فوجی کارروائیاں جاری رکھنے کا اعلان کر دیا ہے۔
اسرائیلی وزیراعظم، وزیر دفاع اور فوجی سربراہ نے ایک مشترکہ بیان جاری کیا۔
بیان میں کہا گیا کہ اسرائیلی فوج جنوبی لبنان میں اپنی کارروائیاں جاری رکھے گی۔
اسرائیلی قیادت کے مطابق ان کارروائیوں کا مقصد سکیورٹی زون کو برقرار رکھنا ہے۔
بیان میں مزید کہا گیا کہ اسرائیلی شہریوں اور فوجیوں کی سلامتی اولین ترجیح رہے گی۔
اسرائیلی حکام نے واضح کیا کہ اس معاملے پر کوئی سمجھوتہ نہیں کیا جائے گا۔
یہ اعلان ایسے وقت میں سامنے آیا ہے جب جنگ بندی کی کوششیں جاری ہیں۔
لبنان اور اسرائیل کے درمیان مذاکرات کا ایک اور دور آج واشنگٹن میں ہوگا۔
مذاکرات کا مقصد اسرائیل اور حزب اللہ کے درمیان جنگ بندی کو آگے بڑھانا ہے۔
دوسری جانب امریکی میڈیا نے رپورٹ کیا ہے کہ سوئٹزرلینڈ میں ہونے والی امریکا اور ایران بات چیت میں حزب اللہ کا معاملہ بھی شامل ہے۔
رپورٹس کے مطابق اسرائیل سے متعلق تنازع مذاکرات کے ابتدائی ایجنڈے کا حصہ ہے۔
ادھر جنگ بندی کے اعلان کے باوجود لبنان میں اسرائیلی حملوں کی اطلاعات بھی سامنے آئی ہیں۔
لبنانی ذرائع کے مطابق حالیہ حملوں میں بچوں اور خواتین سمیت سات افراد جان سے ہاتھ دھو بیٹھے۔
