پاکستان اور جنوبی افریقہ کی فضائیہ کے مابین دفاعی تعاون بڑھانے پر اتفاق

جمہوریہ جنوبی افریقہ کے اعلیٰ سطحی دفاعی وفد نے، جس کی سربراہی قائم مقام سیکریٹری برائے دفاع ڈاکٹر تھوبیکائل گیمڈے کر رہے تھے، ایئر ہیڈکوارٹرز اسلام آباد میں چیف آف ایئر اسٹاف ایئر چیف مارشل ظہیر احمد بابر سدھو سے ملاقات کی۔

شاہ بیگم آف جوناگڑھ کا پوتے علی مرتضیٰ خانجی پر ظلم و زیادتی کا الزام، اعلیٰ حکام سے مدد کی اپیل

ملاقات کے دوران پاکستان ایئر فورس (PAF) اور جنوبی افریقہ کی فضائیہ کے درمیان دفاعی تعاون، مشترکہ تربیت اور تکنیکی شعبوں میں روابط مزید مضبوط بنانے پر بات چیت کی گئی۔ ایئر چیف مارشل ظہیر احمد بابر سدھو نے ملٹری اور ٹریننگ ڈومین میں جنوبی افریقہ کے ساتھ تعاون جاری رکھنے کے PAF کے عزم کا اعادہ کیا۔

اس موقع پر ڈاکٹر تھوبیکائل گیمڈے نے پاکستان فضائیہ کی پیشہ ورانہ مہارت، جدید ٹیکنالوجی میں خود انحصاری اور دفاعی ترقی کی تعریف کی۔ انہوں نے PAF کے تجربات سے سیکھنے اور اپنی فضائیہ کی جدید کاری کے لیے تعاون کی خواہش ظاہر کی۔

دونوں ممالک کے وفود نے فضائیہ کے مختلف شعبوں میں تعاون بڑھانے اور بنیادی سے لے کر اعلیٰ سطح کی تربیت کے مواقع پیدا کرنے پر بھی اتفاق کیا۔ اجلاس میں اس بات پر زور دیا گیا کہ دونوں فضائی افواج کے درمیان تعاون کو مزید مستحکم کیا جائے گا تاکہ علاقائی اور عالمی سطح پر مشترکہ چیلنجز سے نمٹا جا سکے۔