بدھ کے روز کھیلے گئے اطالوی کپ کے سیمی فائنل میں اے سی میلان نے اپنے روایتی حریف انٹر میلان کو 0-3 سے شکست دے کر مجموعی طور پر 1-4 کی برتری کے ساتھ فائنل میں رسائی حاصل کر لی۔ سربین فارورڈ لوکا جووچ نے دو گول داغ کر شاندار کارکردگی دکھائی اور تیجانی ریجنڈرز نے آخری لمحات میں گول کر کے میلان کی جیت پر مہر ثبت کی۔
آرسنل کی کرسٹل پیلس سے ڈرا کے بعد لیورپول ٹائٹل جیتنے کے قریب، صرف ایک قدم کی دوری باقی
جووچ کے گولز نے نہ صرف میچ کا پانسہ پلٹا بلکہ اس سیزن کے دوران ان کے مجموعی گولز کی تعداد بھی دوگنا کر دی۔ کوچ سرجیو کونسیکاو نے ان کی فٹنس اور محنت کو سراہا، خاص طور پر پچھلے چند ہفتوں میں کی گئی کوششوں کو۔
یہ میلان کے لیے سیزن کی پانچویں ڈربی فتح تھی، جس نے جنوری میں بھی انٹر کے خلاف سپر کپ کا فائنل جیتا تھا۔ اس شکست نے انٹر کی ٹریبل جیتنے کی امیدوں پر پانی پھیر دیا جو سیری اے، چیمپئنز لیگ اور کوپا اٹالیا تینوں جیتنے کے خواب دیکھ رہا تھا۔
انٹر کے کوچ سیمون انزاگھی کی جانب سے کی گئی چار تبدیلیاں بھی ٹیم کو سنبھال نہ سکیں، جبکہ فیڈریکو ڈیمارکو اور لاؤٹارو مارٹینز کے ضائع کیے گئے مواقع نے مزید مایوسی بڑھائی۔
میلان ممکنہ طور پر اگلے ماہ فائنل میں بولوگنا کا سامنا کرے گا، جو ایمپولی کے خلاف پہلے ہی 0-3 کی برتری رکھتا ہے۔ فائنل جیتنا میلان کے لیے سیزن کا واحد چمکتا لمحہ ثابت ہو سکتا ہے۔
